اقش-تا قازاقستاندىق دايىر ساعدييەۆ قايتىس بولدى. ول لوس-اندجەلەستىڭ كاليفورنيا ۋنيۆەرسيتەتىندە وقىعان، دەپ حابارلايدى Today.kz-كە سىلتەمە بەرىپ Qamshy.kz اقپارات اگەنتتىگى. 

"وكىنىشكە وراي UCLA ستۋدەنتى دايىر ساعدييەۆ قايعىلى جاعدايدا كوز جۇمدى. دايىر بيوينجەنەريا فاكۋلتەتىنىڭ ۇزدىك ستۋدەنتى بولدى. دارىندى تاريحشى، تۇركىتانۋشى بولدى، بىرنەشە تىلدە ەركىن سويلەي ءبىلدى، تاريحي كىتاپتاردى فرانسۋز تىلىنەن اۋداردى"، – دەپ جازدى مارقۇمنىڭ تانىسى اسەت شاتەكوۆ Facebook جەلىسىندەگى پاراقشاسىنا. 

دايىر ساعدييەۆپەن قوشتاسۋ ءراسىمى 5 ناۋرىزدا UCLA مەن Pierce Brothers Westwood Village Memorial Park-تىڭ قاسىندا، جەرگىلىكتى ۋاقىت بويىنشا 13:00-دە وتەدى. 

لوس-اندجەلەستە تۇرىپ جاتقان قازاقستاندىقتار مارقۇمنىڭ تۋىسقاندارىنا قاراجات جيناپ بەرىپ جاتىر.