بۇگىن بار  قازاقتىڭ ماقتانىشىنا اينالعان سپورت شەبەرى، 2000 جىلى وتكەن سيدنەي وليمپياداسىنىڭ چەمپيونى، ءى دارەجەلى «بارىس» وردەنىنىڭ ءبىرىنشى يەگەرى بەكزات ساتتارحانوۆتىڭ تۋعان كۇنى. ەگەر ارامىزدا بولسا، بيىل داڭقتى ۇل وتىز سەگىزىنشى كوكتەمىن قارسى الار ەدى.

بەكزات سەيىلحان ۇلى 1980 جىلى 4 ساۋىردە  كيەلى تۇركىستان قالاسىندا دۇنيەگە كەلگەن. سيدنەي وليمپياداسىندا تاۋەلسىز ەلىمىزدىڭ تۋىن كوككە كوتەرىپ، ءانۇرانىن اسقاقتاتقان سپورتشى 2000 جىلدىڭ 31 جەلتوقسانىندا، جاڭا جىلعا ساناۋلى مينۋتتار قالعاندا شىمكەنت قالاسى جانىنداعى تەمىرلان بەكەتى ماڭىندا اۆتوكولىك اپاتىنان قازا بولدى.

بەكسات ساتتارحانوۆ سيدنەيدەگى جەڭىسىن تۇركىستان قالاسىنىڭ 1500 جىلدىعىنا تارتۋ ەتەتىندىگىن ايتقان ەدى. بۇل جەڭىسى ءۇشىن پرەزيدەنت نۇرسۇلتان نازاربايەۆ بەكزات ساتتارحانوۆقا ءى دارەجەلى «بارىس» وردەنىن تابىس ەتتى. تاريحتا بەكزات «بارىس» وردەنىنىڭ تۇڭعىش يەگەرى رەتىندە دە قالدى.