«SCAT» اۋەكومپانياسىنا تيەسىلى ان-24 UP-AN41ءنومىرلى ۇشاعى ۇشىپ-قونۋ جولاعىنان اۋىتقىپ كەتتى -، دەپ حابارلايدى Tengrinews.kz سايتىنىڭ ءتىلشىسى اۋەكومپانيانىڭ باسپا ءسوز قىزمەتىنە سىلتەمە جاساپ. وقيعا 7 اقپان كۇنى ساعات 00:25-تە ورىن العان. رەيس ءنومىرى DV №766 ، تاراز-الماتى باعىتىندا جولاۋشىلار تاسىمالداپ كەلە جاتقان ۇشاق بورتىندا 24 ادام، 20جولاۋشى (ونىڭ ەكەۋى كامەلەت جاسىنا تولماعان ءجاسوپىرىم)، 4 ەكيپاج قىزمەتكەرى بولعان. ابىروي بولعاندا زارداپ شەككەندەر جوق جانە كولىككە زاقىم كەلمەگەن. قوزعالتىقىش سونگەننەن كەيىن اۋەجاي تۇراعىنا سۇيرەپ اپارىلعان. ورتالىقتىڭ اقپارات قىزمەتىنىڭ ايتۋى بويىنشا جولاۋشىلاردىڭ بارلىعى ۇشاق قونعان بويدا كومەك كورسەتىلگەن. اتالمىش وقيعاعا قاتىستى الماتى اۋەجايىندا رەيستەردىڭ كەشىكتىرىلۋى جانە تاعى دا باسقا ماسەلەلەر تۋىنداماعان. ۇشاق تاراز-الماتى باعىتىندا ۇنەمى قاتىناپ جۇرگەنىمەن، مۇنداي وقيعا جىل باسىنان بەرى ەكىنشى رەت ورىن الىپ وتىر. وقيعا ورنىندا بولعان ازاماتتاردىڭ ايتۋىنشا، قونۋ بارىسىندا ۇشاق قاجەتتى تراەكتوريادان اۋىتقىپ، قاناتىمەن سۇرىنە جازداعان. اپاتقا ۇشىراۋ بارىسىندا بورتتا بولعان جولاۋشىنىڭ ايتۋىنا قاراعاندا، شايقالۋ بارىسىندا ستيۋارد سالون ىشىنەن ۇشىپ كەتكەن، ال قاۋىپسىزدىك بەلدىگىن تاقپاعان جولاۋشىلار ءوز ورىندارىنان قۇلاپ كەتكەن. اتالعان ءىس بويىنشا، قىلمىستىق ءىس قوزعالىپ، ءقازىر تەرگەۋ امالدارى جۇرگىزىلىپ جاتىر.   «قامشى» سىلتەيدى:     www.tengrinews.kz