بۇگىن قازاقتىڭ اقيىق اقىنى، قازاق پوەزياسىنىڭ الاتاۋداي الىبى مۇقاعالي ماقاتايەۆتىڭ تۋعان كۇنى دەيدى. مۇقاعاليعا دەيىنگى قازاق جازبا پوەزياسىن اباي، قاسىم، ماعجان، مۇقاعالي ءداۋىرى دەپ بولسە دە، ابايدان كەيىنگى جازبا پوەزيانىڭ قۇلاشتى كەڭىستىگىن، تامىرلى ءتابيعاتىن، عاجاپ شىڭىن داۋسىز مۇقاعالي قالىپتاستىردى دەگەنگە ەشكىم كۇمان كەلتىرمەس.

مۇقاعالي اقىننىڭ ومىرگە كەلگەن كۇنى - وسىزامان قازاق پوەزياسىنىڭ ءومىر ەسىگىن اشقان كۇنى ىسپەتتى. سەبەبى، ودان كەيىنگى بۇكىل الاش بالاسى جاتقا وقيتىن، بۇكىل الاش بالاسىنىڭ ءومىرى مەن تاعدىرىنا ءسىڭىپ كەتكەن عۇمىرلى پوەزيا ءالى تۋىلا قويعان جوق سەكىلدى.

اقىننىڭ تۋعان كۇنى - قازاق پوەزياسىنىڭ ۇلكەن مەرەكەسىنىڭ بىرىنە اينالىپ ۇلگەردى. بۇل كۇن جايلى قازاق ەلى عانا ەمەس، الاش بالاسىنىڭ اياعى جەتكەن جەردىڭ بارىندە توي. 9-اقپان كەلەردەن بۇرىن بۇكىل قازاق دالاسى ابىگەرگە تۇسەدى. بۇل دا بولسا اقيىق اقىنعا دەگەن ۇلكەن قۇرمەتتىڭ بەلگىسى ەكەنى داۋسىز.

دەگەنمەن، قازاق پوەزياسىنىڭ ۇلى تۇلعاسىنىڭ تۋعان كۇنىن شاتىستىرىپ جۇرگەنىمىز (قانشا جەردەن ايتىلىپ، جازىلىپ جۇرسە دە) - ءبىز ءۇشىن ۇلكەن سىن ەمەس پە؟! ءبىر اشەيىن جەكە ويىمىزدىڭ تۇيتكىلى، سەزىمى رەتىندە ايتساق، مۇقاعالي اقىننىڭ تۋعان كۇنى ءوز مىنەزى سەكىلدى قاھارلى قىستىڭ سوڭعى ساتىندەي، ناۋرىزدىڭ جايما-شۋاق كۇنىندەي، الدا كەلە جاتقان جازعىتۇرىم مەن جازدىڭ جىلى لەبىندەي سەزىلەدى. شىنىندا دا ۇلى اقىننىڭ تۋعان كۇنى ناۋرىز ايىندا ەكەن. بۇل جونىندە اقىننىڭ اياۋلى اناسى بىلاي دەيدى:

“مۇقاعاليىم 1931 جىلى ناۋرىز ايىنىڭ 8-جۇلدىزىندا دۇنيەگە كەلگەن. جاڭىلىسۋىم مۇمكىن ەمەس. سەبەبى، بالام مىناۋ ءفانيدىڭ ەسىگىن اشقاننان ءبىراز ۋاقىت كەيىن ناۋرىز تويى بولادى”. (“مۇقاعالي ناۋرىز ايىندا تۋعان” اتتى سۇحباتتان)

ال بەلگىلى اقىن، مۇقاعالي ولەڭدەرىنىڭ ءتورت تومدىعىن قۇراستىرعان ورازاقىن اسقار ۇلى “قۇجات بويىنشا مۇقاعالي 9-اقپاندا دۇنيەگە كەلگەن. بۇل كۋالىكتى اقىن ەس بىلگەن كەزدە سول كەزدەگى سايلاۋ ناۋقانىنا بايلانىستى ءوزى جازدىرىپ العان” دەيدىدەگەنمەن، قازاق پوەزياسىنىڭ ۇلى تۇلعاسىنىڭ تۋعان كۇنىن شاتىستىرىپ جۇرگەنىمىز (قانشا جەردەن ايتىلىپ، جازىلىپ جۇرسە دە) - ءبىز ءۇشىن ۇلكەن سىن ەمەس پە؟! ءبىر اشەيىن جەكە ويىمىزدىڭ تۇيتكىلى، سەزىمى رەتىندە ايتساق، مۇقاعالي اقىننىڭ تۋعان كۇنى ءوز مىنەزى سەكىلدى قاھارلى قىستىڭ سوڭعى ساتىندەي، ناۋرىزدىڭ جايما-شۋاق كۇنىندەي، الدا كەلە جاتقان جازعىتۇرىم مەن جازدىڭ جىلى لەبىندەي سەزىلەدى. شىنىندا دا ۇلى اقىننىڭ تۋعان كۇنى ناۋرىز ايىندا ەكەن.

الشىن ماتاي

سۋرەت alashainasy.kz  الىندى