الماتى قالاسىنىڭ وڭىرلىك كوممۋنيكاسيالار قىزمەتى الا­ڭىن­دا «قازاقستان رەسپۋبلي­كاسىندا تەحنيكالىق رەتتەۋدەگى مەترولوگيا جانە اككرەديتتەۋ جۇيەسىن جەتىل­ءدىرۋ» تاقىرى­بىندا باسپا ءسوز كون­فە­رەنسياسى بولىپ ءوتتى. بريفينگكە ق ر ينۆەس­تيسيالار مينيسترلىگى تەح­نيكالىق رەتتەۋ جانە مەترو­­لوگيا كوميتەتىنىڭ الماتى قالاسى بويىنشا دەپارتا­مەنتىنىڭ باسشىسى ساۋىقبەك قاپايەۆ قاتىسىپ، بەلگى­لەنگەن تاقىرىپ اياسىندا وي ءوربىتتى.

 دەپارتامەنت باسشىسىنىڭ ايتۋىنشا، ق ر ينۆەستيسيالار جانە دامۋ مينيسترلىگى تەحنيكالىق رەتتەۋ جۇيەسىن جاڭعىرتۋ بويىن­شا ەلدىڭ ىشكى نارىعىن ونىمدەردەن، ونىڭ ىشىندە تەحنيكالىق رەگلامەنتتەردى بۇزۋ مەن وندىرىلگەن ازىق-تۇلىك ونىمدەرىن قورعاۋ ماقساتىنداعى، ءبىرقاتار شارالاردى اتقارادى.

– تەحنيكالىق رەتتەۋ جۇيەسىن جەتىلدىرۋدى ەكى كەزەڭدە جۇرگىزۋ جوسپار­لانىپ وتىر. 1-كەزەڭ، 2018 جىل – ستان­دارتتاۋ، مەترولوگيا، اككرەديتتەۋ جۇيەسىن جەتىلدىرۋ. 2-كەزەڭ، 2019 جىل –  مەملەكەتتىك باقى­لاۋ جۇيەسى مەن سايكەستىكتى باعالاۋ سالاسىن جەتىلدىرۋ. بۇل رەتتە ستاندارتتاۋ جۇيەسىن جەتىلدىرۋ ماقساتىندا وتكەن جىلعى جەلتوقساندا پارلامەنت ماجىلىسىندە ءبىرىنشى وقىلىمدا ماقۇلدانعان «ستاندارت­تاۋ تۋرالى» قازاقستان رەسپۋبليكاسىنىڭ جاڭا زاڭى دايىندالدى. حالىقارالىق تاجىريبەگە سايكەس، ۇلتتىق ستاندارتتاۋ ەرىكتى سالانى – ساپانى رەتتەيدى، ال تەحني­كالىق رەتتەۋ سالاسى مىندەتتى تۇردە رەتتە­لەدى. قابىلداناتىن زاڭ جوباسىنان كۇتىلەتىن ناتيجەلەر: ستاندارتتاۋدىڭ ۇلتتىق جۇيەسىن ۇيلەستىرۋ جانە ولشەم­دەردىڭ ءبىرتۇتاستىعىن حالىقارالىق مودەل­مەن قامتاماسىز ەتۋ. كونسەنسۋستىق ۇلتتىق ستاندارتتاردى قابىلداۋ جانە ولاردىڭ ءرولىن ارتتىرۋ. وتاندىق ونىمدەردىڭ باسە­كەگە قابىلەتتىلىگى ءۇشىن جاعداي جاساۋ. يننو­ۆاسيالاردى جانە تەحنولوگيالار ترانسفەر­ءتىن ىنتالاندىرۋ، – دەپ اتاپ ءوتتى ول.

ايتا كەتەيىك، پارلامەنت ءماجىلىسىنىڭ ءبىرىنشى وقىلىمىندا قولداۋ كورسەتىلەتىن مەترو­لوگيا سالاسىنداعى «ولشەم بىرلىگىن قام­تاماسىز ەتۋ تۋرالى» زاڭناماعا تۇزەتۋلەر ەنگىزۋ ارقىلى ستاندارتتار مەن ولشەم قۇرالدارىن كاليبرلەۋدەن جانە مەملە­كەتتىك مەترولوگيالىق باقىلاۋعا جاڭا تاسىلدەردى ەنگىزۋ مەن كاليبرلەۋدەن ءوتۋ قاراستىرىلعان. جاڭا قۇرىلىمعا سايكەس، مەملەكەتتىك ورگاندار مەملەكەتتىك رەتتەۋ تۋرالى ولشەمدەر تىزبەسىن بەكىتۋ بويىنشا قۇزىرەتكە يە بولادى.

ال ۋاكىلەتتى ورگان – نقا-دە جانە مەترولوگيالىق تالاپتارىن بەلگىلەيدى.

مەملەكەتتىك ورگاندار ازىرلەگەن نورما­تيۆتىك-قۇقىقتىق اكتىلەر مەترو­لوگيالىق ساراپتامادان وتەدى، ونى مەملەكەتتىك عىلىمي مەترولوگيا ورتالىعى جۇزەگە اسىرادى، اتالعان فۋنكسيانى «قازاقستان مەترولوگيا ينستيتۋتى» رمك اتقارادى.

– جاڭا جانە جەتىسپەيتىن اۋداندار ءۇشىن تەستىلەۋ بازاسىن كەڭەيتۋ بويىنشا جۇمىس جۇرگىزىلۋدە. ق ر كاسىپكەرلىك كودەك­سىنە وزگەرىستەر مەن تولىقتىرۋلار ەنگىزۋ اياسىندا ءونىمنىڭ سايكەستىگىن راستاۋدى جۇزەگە اسىراتىن اككرەديتتەۋ سۋبەكتىسىنىڭ جاۋاپكەرشىلىگىن كۇشەيتۋ ماقساتىندا «سايكەستىكتى راستاۋ سالاسىنداعى اككرە­ديت­تەۋ تۋرالى» ق ر زاڭىنا وزگەرىستەر ەنگىزۋ قاراستىرىلۋدا، – دەپ ءسوزىن قورىتىندى­لادى ساۋىقبەك ءارىپ ۇلى.

سەرىك جۇماباي

الماتى اقشامى