وزدەرىڭىزگە جاقسى بەلگىلى، ەلباسىمىز نۇرسۇلتان نازاربايەۆتىڭ بيىلعى جىلدىڭ 5 ناۋرىزىندا جاريا ەتكەن 5 الەۋمەتتىك باستا­ماسى حالقىمىز ءۇشىن  اسا ماڭىزدى باستاما بولدى. اسىرەسە، وندا ايقىن كورسەتىلگەن باسىم باعىتتار ەل تۇرعىندارىنىڭ ءال-اۋقاتى مەن تۇرمىس جاعدايىن جاقسارتۋعا نەگىزدەلگەن بولاتىن. بۇگىندە ەلدەگى مەملەكەتتىك مەكەمەلەر مەن وقۋ ورىندارىندا تالقىعا ءتۇسىپ جاتقان «پرەزيدەنتتىڭ بەس الەۋمەتتىك باستاماسى» حالىققا ۇندەۋى  بەيسەنبى كۇنى   «ۇلتتىق ساراپتاما ورتالىعى» شجق رمك الماتى قالاسى بويىنشا فيليالىندا «نۇر وتان» پارتياسى مەدەۋ اۋداندىق فيليالىنىڭ كەزەكتەن تىس وتىرىسىندا ءتوراعانىڭ ءبىرىنشى ورىنباسارى م.مۇقا­نوۆانىڭ قاتىسۋىمەن جينالىس بولىپ ءوتتى.  ول ءوزىنىڭ  كىرىسپە سوزىندە  پرەزيدەنت ۇسىنعان  بەس الەۋمەتتىك  باستاما جونىندە   جەكە-جەكە توقتالدى.

جيىندا مەملەكەتتىك قىزمەت ىستەرى جانە سىبايلاس جەمقورلىققا قارسى  ءىس-قيمىل اگەنت­تىگى  باسقارماسىنىڭ  باس مامانى  ە.قويلىبايەۆ  بۇگىنگى تاڭدا  بەلەڭ الىپ وتىرعان سىبايلاس جەمقورلىقتىڭ الدىن الۋ جونىندە بايانداما جاساپ، سوعان وراي بەينەبايان كورسەتتى. سودان كەيىن ءسوز العان قازاقستان تۇرعىن ءۇي  جيناق بانكىنىڭ  كەڭەسشىسى ز.بوياۋبايەۆا مەن  بيزنەستى دامىتۋ باسقارماسىنىڭ باس مامانى  ر.رامازا­نوۆ «تۇرعىن ءۇي جيناق بانكىسى» ارقىلى  جۇزەگە اساتىن «7-20-25» باعدارلاماسى  جاستار ءۇشىن دە،  جاس وتباسىلارى ءۇشىن دە،  ءۇيسىز جۇرگەن جاندار ءۇشىن دە  شەشىمىن تاپقان  باستاما ەكەنىن تىلگە تيەك ەتتى. ايتا كەتەتىن جايت،  بانكتەردە اقشا اينالىمى جوعارىلاپ، ىستەرىنە جان بىتەتىنى بەلگىلى. ويتكەنى  باعدارلاماداعى تومەنگى پايىزبەن ۇزاق ۋاقىت تولەم تولەۋ  حالىقتىڭ  تۇرعىن ۇيگە دەگەن سۇرانىسىن ارتتىرادى.

وسى رەتتە، «نۇر وتان» پارتياسى مەدەۋ اۋداندىق فيليالى  ءتوراعاسىنىڭ ءبىرىنشى ورىنباسارى م.سەرىك قىزى ەلباسىنىڭ «جالاقىسى تومەن  جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ  سالىق جۇكتەمەسىن ازايتۋ»  باستاماسى بويىنشا ايتىپ ءوتتى. سونداي-اق، مسق الماتى قالالىق فيليالى  حالىقتى اقپاراتتاندىرۋ  ءبولىمىنىڭ باس ساراپشىسى  ت.پەرنەبايەۆ   مىندەتتى مەديسينالىق ساقتاندىرۋ تۋرالى  جان-جاقتى  ءتۇسىندىردى. ايتا كەتەتىنى، پرەزيدەنتتىڭ بۇل بەس الەۋمەتتىك باستاماسىنىڭ اتالعان باعىتتارى  ەلىمىزدىڭ  بىرلىگى جاراسقان مەملەكەت بولۋعا دەگەن  ۇمتىلىسى ەكەنىن بىلدىرەدى.

جيىندى «ۇلتتىق ساراپتاما ورتالىعى» شجق رمك الماتى قالاسى بويىنشا فيليالى ديرەكتورىنىڭ ورىنباسارى، «نۇر وتان» پارتياسى باستاۋىش ۇيىمىنىڭ  ءتوراعاسى ج.ساندىقبايەۆ جۇرگىزىپ وتىردى. ال بۇل ءىس-شاراعا ءبولىم باسشىلارى، زەرتحانا مەڭگەرۋشىلەرى، اۋداندىق بولىمشە باسشىلارى مەن ماماندارى  (بارلىعى 40 مامان) قاتىسىپ، زالداعى لەد-ەكراننان «نۇر وتان» پارتيا­سىنىڭ ەمبلەماسى مەن  پرەزيدەنتتىڭ  بەس الەۋمەتتىك باستاماسى  تۋرالى  ۇندەۋدىڭ  جازبالارى  كورسەتىلىپ تۇردى.

الماتى اقشامى