سەۋل اكىمشىلىگىنىڭ ارنايى وكىلى كحدر مەن وڭتۇستىك كورەيا پرەزيدەنتتەرىنىڭ كەزدەسۋى بارىسىندا نە جايلى اڭگىمەلەسكەنىن ايتتى. ەكى ەل پرەزيدەنتى شەكارا پۋنكتىندە كەزدەسكەن بولاتىن. بۇل جايىندا ريا نوۆوستي حابارلايدى.

دەرەككوزدىڭ مالىمەتىنشە، كورەي تۇبەگىنىڭ يادرولىق قارۋسىزدانۋى، وڭتۇستىك پەن سولتۇستىك اراسىنداعى قارىم-قاتىناستى دامىتۋ باعىتتارى تۋرالى «شىنايى ديالوگ» بولعان.

بىرنەشە ساعات بۇرىن كحدر پرەزيدەنتى مەن وڭتۇستىك كورەيا پرەزيدەنتى دەماركاسيالىق جەردە كەزدەستى. كيم چەن ىن شەكارانى ءبولىپ تۇرعان سىزىقتان ءوتىپ، وڭتۇستىك ايماققا اتتاپ باسقان العاشقى كحدر پرەزيدەنتى بولدى.

ديالوگتىڭ ءبىرىنشى كەزەڭى اياقتالعاننان كەيىن كيم چەن ىن قارسىلاستىقتى توقتاتۋعا، ال مۋن چجە ين  ەكى ەل  اراسىنداعى تەمىر جول قاتىناسىن ورناتۋعا شاقىردى.

كۇننىڭ ەكىنشى جارتىسىندا تاراپتار سولتۇستىك پەن وڭتۇستىكتىڭ اراسىنداعى قارىم-قاتىناستاردى جاقسارتۋ، سونىمەن قاتار بىرىگۋ پەرسپەكتيۆالارىن تالقىلاۋدى جوسپارلاپ وتىر.

وتكەن اپتادا كيم چەن ىن كحدر يادرولىق جانە زىمىراندىق سىناقتاردى 21 ساۋىردەن باستاپ توقتاتتى دەپ مالىمدەدى.

سونىمەن قاتار پحەنيان يادرولىق قارۋدى قولدانۋدان باس تارتىپ، يادرولىق تەحنولوگيالاردى باسقا مەملەكەتتەرگە بەرمەۋگە ۋادە ەتتى.

وڭتۇستىك كورەيا مەن سولتۇستىك كورەيا اراسىنداعى قارىم-قاتىناستىڭ جاقسارۋى وڭتۇستىك كورەيانىڭ پحەنچحانداعى وليمپياداعا دايىندىعى بارىسىندا بولدى. سولتۇستىك كورەيا سپورتشىلارىنىڭ وليمپيادا ويىندارىنا قاتىسۋى، سونداي-اق وڭتۇستىك كورەياعا كيم چەن ىننىڭ اپكەسى مەن وڭتۇستىك كورەيا پرەزيدەنتىنىڭ ارنايى وكىلدەرىنىڭ كحدر-عا ساپارى اسەر ەتتى.