الماتىدا دايش يدەياسىن ناسيحاتتاعان ايەل جەتى جىلعا باس بوستاندىعىنان ايىرىلدى. بۇل تۋرالى قالالىق سوتتىڭ باسپا ءسوز قىزمەتى حابارلادى.
الماتى قالاسى المالى اۋداندىق سوتىندا س. ەسىمدى ازاماتشاعا قاتىستى ق ر قىلمىستىق كودەكسىنىڭ 256-بابى 2-بولىگى «تەرروريزمدى ناسيحاتتاۋ نەمەسە تەرروريزم اكتىسىن جاساۋعا شاقىرۋ» بويىنشا قىلمىستىق ءىس قارالدى.
«2012 جىلى ينتەرنەت-رەسۋرستارى ارقىلى دايش حالىقارالىق تەرروريستىك ۇيىمىنىڭ ارەكەتتەرىمەن تانىسقان سوتتالۋشى س. جۇرتتى جيھادقا شاقىرىپ، جارىلىس جاساۋدى ۇگىتتەگەن»، - دەلىنگەن سوت حابارلاماسىندا.
سوت وتىرىسى بارىسىندا ايەل وزىنە تاعىلعان بارلىق ايىپپەن كەلىستى. ايىپتى دەپ تانىلعان س.-نى سوت جەتى جىلعا باس بوستاندىعىنان ايىرۋ تۋرالى شەشىم قابىلدادى. ۇكىم زاڭدى كۇشىنە ەنگەن جوق.
