2018 جىلدىڭ 22-24 مامىر كۇندەرى الماتى قالاسىنداعى The Ritz Carlton وتەلىندە ون بەسىنشى ەۋرازيالىق مەديا فورۋم وتەدى. فورۋم جىل سايىن 60-تان استام ەلدەن 500-دەن اسا دەلەگاتتار جينايدى.
ورتالىق ازياداعى تاۋەلسىز ديالوگ الاڭى رەتىندەگى ەۋرازيا مەديا فورۋمىنىڭ باستى ميسسياسى - ساراپشىلار، ساياساتكەرلەر، ەكونوميستەر، قوعامدىق پىكىر يەلەرىنىڭ قاتىسۋىمەن قازاقستاننىڭ، ەۋرازيانىڭ، ءتىپتى بۇكىل الەمدىك قاۋىمداستىقتىڭ ەكونوميكالىق، گەوساياسي، الەۋمەتتىك مادەني ماسەلەلەرىن تالقىلاۋ.
فورۋم ءوز تاريحىندا 6000 اسا شەتەلدىك قاتىسۋشىلاردى، ولاردىڭ قاتارىندا تانىمال جۋرناليستەر، بەلگىلى ساياساتكەرلەر، مىقتى ەكونوميستەر، نوبەل سىيلىعىنىڭ لاۋرەاتتارى، قوعام قايراتكەرلەرى، عالىمدار مەن كاسىپكەرلەردى قازاقستانعا جينادى.
ەمف سپيكەرلەرى قاتارىندا: يسلام رەسپۋبليكاسىنىڭ ەكس-پرەزيدەنتى يران موحامماد حاتامي، اۋعانستاننىڭ 12ء-شى پرەزيدەنتى حاميد كارزاي، امەريكاندىق ديپلوماتتار ريچارد حولبرۋك پەن ريچارد پەرل، اقش-تىڭ بۇرىنعى كونگرەسسمەنى حارولد فورد، ۇلىبريتانيانىڭ سىرتقى ىستەر ەكس-مينيسترى دجەك سترو، گرەسيانىڭ تۋريزم ەكس-مينيسترى جانە پارلامەنت مۇشەسى ولگا كەفالويانني، بريتاندىق فۋتۋرولوگ رەي حامموند، ۆلاديمير پوزنەر، ماكسيم شيەۆچەنكو، ميحايل لەونتيەۆ، پيتەر لاۆەل، پولا سليەر، ستيۆەن كوۋل، نيك گوۋينگ سىندى تانىمال جۋرناليستەر، يتار-تاسس اقپاراتتىق اگەنتتىگىنىڭ جەتەكشىلەرى ۆيتاليي يگناتەنكو مەن ميحايل گۋسمان، جازۋشى شىڭعىس ايتماتوۆ، رف ۇكىمەتىنىڭ بۇرىنعى باسشىسى ەۆگەنيي پريماكوۆ، ودكب باس حاتشىسى نيكولاي بورديۋجا، اقش-تىڭ ۇلتتىق قاۋىپسىزدىك بويىنشا بۇرىنعى كەڭەسشىسى زبيگنيەۆ بجەزينسكيي جانە ت.ب. بولدى.
ەۋرازيا مەديا فورۋمى 3 كۇن وتەدى. جيىندا 7 پلەنارلىق سەسسيا بولادى. الەمدىك ساراپشىلار شەبەرلىك دارىسىنە ءبىر كۇندى ارنايدى.
فورۋم قوناقتارىن جاڭا پىكىرتالاس الاڭى، قىزىقتى تاقىرىپتار، مازمۇندى اڭگىمە، سپيكەرلەردىڭ تانىمال شوعىرى كۇتەدى. بۇل جولعى فورۋم «ەۆوليۋسيانىڭ 15 جىلى: الەم وزگەرىسى مەن ءبىزدى وزگەرتۋى».
بۇل رەتتە، فورۋم ۇيىمداستىرۋشىلارى قازاقستاننىڭ الەم الدىنداعى بەدەلىنىڭ كۇن ساناپ ارتىپ كەلە جاتقاندىعىن، فورۋمنىڭ مۇندا ءتيىمدى ءارى زاماناۋي قۇرال رەتىندە ءرولىن اتاپ وتپەكشى. فورۋم ءوزىنىڭ بەلسەندى جۇمىسىنىڭ ارقاسىندا بۇگىندە دۇنيە ءجۇزى بويىنشا بەدەلدى مەديا الاڭ اتانعان. ونىڭ دالەلى رەتىندە 1500 ايتۋلى ب ا ق: Euronews، CNN، BBC، Associated Press Television News، Reuters، Bloomberg، New York Times، Al Jazeera English، يتار-تاسس، ريا «نوۆوستي»، ربك، Russia Today، پەرۆىي كانال، يا «دجيحان» جانە ت.ب. قاتىسقاندىعى بولا الادى.
بيىلعى فورۋم تاقىرىپتارى: «حالىقارالىق قارىم-قاتىناستاعى ەۆوليۋسيا»، «ەۋروپالىق وداق ەۆوليۋسياسى»، «قورشاعان ورتا ەۆوليۋسياسى»، «اقپاراتتىق تەحنولوگيالار: ناقتى دەرەك پەن فەيك جاڭالىقتار»، «بلوگسفەرانىڭ كۇشەيۋى: پروگرەسس پە، الدە ءقاۋىپ پە؟» جانە تاعى باسقا.
ال، ناقتى بيىلعى فورۋمنىڭ قاتىسۋشىلارى قاتارىندا – مەملەكەتتىك قايراتكەر، ەكس-پرەمەر-مينيستر، يتاليا پارلامەنتىنىڭ سەناتورى ماتتەو رەنسي، ب ا ق بوستاندىعى بويىنشا ەقىۇ (وبسە) وكىلى ارلەم دەزير، امەريكالىق پوليتتەحنولوگ، باراك وباما پرەزيدەنتتىگى كامپانياسىنىڭ ەكەۋىندە دە كەڭەسشى بولعان رودجەر فيسك، ۇلىبريتانيا سىرتقى ىستەر مينيسترلىگىنىڭ باسپا ءسوز حاتشىسى سايمون ماكدجي، گرۋزيانىڭ ەكس ءبىلىم ءمينيسترى حاتيا دەكانويدزە، ۆۆس تەلەارناسىنىڭ جاڭالىقتار ءبولىمىنىڭ رەداكتورى گيەۆين حيۋيتت، حالىقارالىق ساياسات بويىنشا فرانسۋز ساراپشىسى، Le Figaro گازەتىنىڭ شولۋشىسى رەنو جيرار، جاپونيانىڭ تۇراقتى ەنەرگەتيكانى دامىتۋ ينستيتۋتىنىڭ ديرەكتورى تەسۋناري ييدا، رەسەي ءجۋرناليستى، پروديۋسەر، ءارى تەلەجۇرگىزۋشى سوفيكو شيەۆاردنادزە، سەناتور، اقش-تىڭ جۇڭگو حالىق رەسپۋبليكاسىنداعى ەلشىسى ماكس باۋكاس، بۇۇ حالىقارالىق «بۇۇ – ايەلدەر» ءبولىمىنىڭ ورتالىق ازيا بويىنشا باسشىسى يلەين كونكييەۆيچ.
سونىمەن قاتار، مەرەيتويلىق فورۋمنىڭ باعدارلاماسىندا بىرنەشە اۆتورلىق ماستەر-كلاسستار ۇيىمداستىرىلىپ وتىر. وندا شۋبەرت مەديا كونسۋلتانتى تايرا شۋبەرت، تانىمال جۋرناليست شاحيدا ياكۋب، Hashtag Our Stories جوباسىنىڭ نەگىزىن قالاۋشىلاردىڭ ءبىرى يۋسۋف ومار، ساياساتكەر بارتوش رىدلينسكيي، CEO Select Communication Group باسشىسى ۆيكتور ەليسەيەۆتەر بار.
«ەۋرازيالىق مەديا فورۋمنىڭ بيىلعى كونتەنتى ءداستۇرلى تۇردە زاماناۋي وزەكتى ءبىرقاتار ماسەلەلەردى تالقىلايتىن بولادى. ولاردىڭ قاتارىندا، اقپاراتتىق تەحنولوگيالاردىڭ قارقىندى ءوسۋى، تۇراقتى دامۋدىڭ بىردەن-بىر شارتى رەتىندە «جاسىل ەكونوميكا» تۇجىرىمداماسى، تاعى باسقا كوپتەگەن ماسەلەلەر كوتەرىلەدى. بۇل رەتتە، مەرەيتويلىق فورۋمنىڭ حالىقارالىق ارەنادا ەلىمىزدىڭ بەدەلىن ارتتىرۋعا قوسقان ۇلەسىنىڭ وراسان ەكەندىگىن كورسەتە الاتىندىعىمىزعا سەنىمىم مول»، دەپ اتاپ ءوتتى ەۋرازيالىق مەديا فورۋم باس ديرەكتورى رۋسلان جەمكوۆ.
ءىس-شارانىڭ باس سەرىكتەسى «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامى.
XV ەۋرازيالىق مەديا فورۋمعا تىركەلۋ بۇگىننەن باستاپ 16-مامىرعا دەيىن جالعاسادى. تىركەۋ ءۇشىن http://eamedia.org/ru/ سىلتەمەسىنە وتۋگە بولادى. ورىن ساناۋلى.
فورۋمعا مىندەتتى تۇردە تىركەلۋ كەرەك.
