"Semei`" تەلەارناسى استانانىڭ 20 جىلدىعىنا وراي جاس سۋرەتشىلەر اراسىندا "مەرەيتويىڭمەن، استانا" اتتى بايقاۋ ۇيىمداستىردى، دەپ حابارلايدى Qamshy.kz اقپارات اگەنتتىگى. 

قىلقالامدى سەرىك ەتكەن 30-عا جۋىق جەتكىنشەك باس قالانىڭ كورىكتى جەرلەرىن قاعازعا ءتۇسىرىپ، ەڭسەلى ەلورداعا دەگەن ماحابباتىن پەرزەنتتىك سەزىممەن جەتكىزدى. ولاردىڭ تىكەلەي ەفيردە سالعان سۋرەتتەرى Semeytv.kz سايتىنا جۇكتەلىپ، حالىق باعالاپ، داۋىس بەرىپ، جەڭىمپازداردى وزدەرى انىقتادى. ءبىر ايعا سوزىلعان بايقاۋ مارەسىنە جەتىپ، جۇلدەلى ورىن العان سۋرەتشىلەر  دەمەۋشى ۇسىنعان باعالى سىيلىقتارمەن ماراپاتتالدى.

— بۇل «Semei`» ارناسى ۇيىمداستىرىپ وتىرعان ءبىرىنشى جوبا ەمەس. ءان بايقاۋلارى، انالارعا ارنالعان شىعارما بايقاۋلارى تۇراقتى ءوتىپ تۇرادى. بۇل سايىستار تالانتتى بالالاردى شىڭداپ، ەلىنىڭ پاتريوتى بولۋعا تاربيلەيدى، — دەيدى  جوبا اۆتورى نۇرگۇل قۇدايبەرگەن قىزى.