8 اقپان  كۇنى  كرەملدە وتكەن  رەسەي  مەن قازاقستان  پرەزيدەنتتەرى  ۆ.پۋتين مەن  ن.نازاربايەۆتىڭ   كەزدەسۋىندە ەل  باسشىلارى  «بايقوڭىردىڭ ماسەلەسى  شەشىلدى»،− دەپ  مالىمدەدى.    «بايقوڭىر»   عارىش  ايلاعىن  پايدالانۋدا ەكى  تاراپقا  دا ءتيىمدى  بولاتىن ءبىر   توقتامعا  كەلگەندەرىن  ايتتى.

كەزدەسۋ  بارىسىندا  ەكى  ەل  باسشىلارى   2013-2015 جىلدارعا  ارنالعان  سەرىكتەستىك  ماسەلەلەرىن تالقىلاپ،  ءبىرىڭعاي ەكونوميكالىق  كەڭىستىكتىڭ  قۇرىلۋ  بارىسى  جانە   ەۋرازيالىق  ەكونوميكالىق  وداققا  ەنۋ  ماسەلەسىن  ءسوز ەتتى.  سونداي-اق، ەكى  مەملەكەت  جوعارعى دەڭگەيلى  بايلانىستا  بولاتىندارىن  ايتا  كەلىپ،   بايقوڭىردىڭ  جايىنا  اۋىستى.

رەسەي  مەن  قازاقستان  ساراپشىلارى مەن  ارنايى  مەكەمە  جەتەكشىلەرى   «بايقوڭىر»  كوسمودرومىن   پايدالانۋعا قاتىستى  ەكى جاقتى  ماڭىزدى  بايلامدار  جاساعاندارىن،  ناتيجەسىندە ەل  باسشىلارى   ەكى  تاراپتى  دا  قاناعاتتاندىراتىن  شەشىم  قابىلدانعاندىعىن  ايتتى.  الايدا  شەشىمنىڭ  قانداي  ەكەنى   تۋرالى  ناقتى  مالىمەتتەر  ءالى  شىققان  جوق.

ءبىر ايتا  كەتەرى،  رەسەي  باسشىسى ۆ.پۋتين  «بايقوڭىرعا»  قاتىستى   تۋىنداعان  داۋعا  مۇلدەم  كوڭىل  بولمەيتىنىن  جەتكىزدى.

ەستەرىڭىزگە  سالا  كەتەيىك،  «بايقوڭىر» عارىش ايلاعىن  كورشى  رەسەي فەدەراسياسى  2050 جىلعا  دەيىن جالعا  العان  بولاتىن.  جالداۋ  قۇنى جىلىنا  5 ملرد.  ءرۋبلدىڭ  اينالاسىندا. جالداۋ  ۋاقىتى  كەزىندە  بايقوڭىر ايماعى رف قۇزىرىندا  بولادى  جانە  بايقوڭىر  قالاسىنىڭ  فەدەراسيالىق قۇقىعى  بار.

الايدا وتكەن  جىلدىڭ  جەلتوقسانىندا بايقوڭىردان شۋ  شىققان-دى. ۇلتتىق عارىش اگەنتتىگىنىڭ  باسشىسى  تالعات  مۇسابايەۆ  پارلامەنتتە  مالىمدەمە جاساپ،  قازاقستان ۇكىمەتى بايقوڭىر عارىش ايلاعىنان رەسەيلىك «پروتون-م» زىمىران-تاسىعىشتارىن ۇشىرۋ سانىن ازايتۋدى كوزدەپ وتىرعانىن ايتىپ، رەسەيدى «بايتەرەك» زىمىران عارىش كەشەنىن قۇرۋ جايلى ۋادەسىنەن تايقىدى دەپ ايىپتاعان. بايقوڭىر عارىش ايلاعىنا قاتىستى جاڭا كەلىسىمنىڭ دايىندالىپ جاتقانىن، بۇدان بىلاي بايقوڭىر عارىش ايلاعى جانە بايقوڭىر قالاسى قازاقستان بيلىگىنە وتەتىنىن ءمالىم ەتكەن ەدى. سونداي-اق،   قازاقستان  جاعى  2013 جىلعا  ارنالعان  ۇشۋ  جوسپارىن  قۇپتاماي،  "پروتون-م" زىمىراندارىنىڭ  سانىن  قىسقارتقان بولاتىن.  وسىعان  بايلانىستى رەسەي  تاراپى  دا جالداۋ  قۇنىن  قىسقارتۋدى  تالاپ  ەتكەن.

وسىدان ءبىراز بۇرىن  رەسەيدىڭ  سىرتقى  ىستەر ءمينيسترى  س.لاۆروۆتىڭ  ايتۋىنا  قاراعاندا،  رەسمي ماسكەۋ  «پروتون-م»  زىمىراندارىن  ۇشىرۋدىڭ  شارتى مەن  سانىن  تالقىلاۋدىڭ   ەشقانداي  قاجەتى  جوق.  جانە  ۇشىرۋ  سانى  بويىنشا  تاراپتار  اراسىندا  ءبىرىنشى  رەت كەلىسپەۋشىلىك  بولىپ    وتىرعان  جوق:  «سوندىقتان  مۇنداي  جاعدايدا  شۋلايتىن  ەش سەبەپ  كورىپ تۇرعان  جوقپىز،  بۇل  تەك  جۇمىس  بابى»،- دەپ  جاۋاپ  بەرگەن.  سونداي-اق، قازاقستاندىق ساراپشى  ەرلان ىدرىسوۆ تا  ەشقانداي  كەلىسپەۋشىلىكتىڭ   جوق ەكەنىن  ايتىپ،  «قازاقستان  بايقوڭىر  عارىش ايلاعىن  رەسەيمەن  ءبولىسۋدى  توقتاتپاق»   دەگەن  كاۋوسەتتى جوققا  شىعاردى.

ءسويتىپ،  بايقوڭىر  عارىش  ايلاعى  توڭىرەگىندە  ءبىراز  داۋ-داماي   تۋىنداعان.  ال  كۇنى  كەشە  كرەملدە  وتكەن  كەزدەسۋدە  قابىلدانعان  شەشىم   بايقوڭىردىڭ  باعىن  اشا  ما،  الدە  سورىن  ودان ارمەن  قايناتا  ما، بەلگىسىز...

مالىمەتتەر  http://www.odnako.org سايتىنان