حالىققا مەملەكەت ەسەبىنەن تەگىن كورسەتىلەتىن مەديسينالىق قىزمەت پاكەتى كەزەڭ-كەزەڭمەن وڭتايلاندىرىلادى. بۇل تۋرالى "الەۋمەتتىك مەديسينالىق ساقتاندىرۋ قورى" كەاق الماتى فيليالى ديرەكتورى تىلەۋحان ابىلدايەۆ مالىمدەدى.

ايتۋىنشا، العاشقى كەزەڭدە، ياعني، 2018 جىلى باستاپقى مەديسينالىق-سانيتارلىق كومەك (بمسك)، كونسۋلتاتيۆتىك-دياگنوستيكالىق كومەك شەڭبەرىندە كورسەتىلەتىن قىزمەتتەر ءتىزىمىن جاساۋ، تۇراقتى باقىلاۋدى قاجەت ەتەتىن سوزىلمالى سىرقاتتار ءتىزىمىن قايتا قاراۋ، بمسك دەڭگەيىندە باقىلاۋعا كەلمەيتىن سىرقاتتاردى تىزىمنەن الىپ تاستاۋ، الەۋمەتتىك ماڭىزى بار اۋرۋلار ءتىزىمىن وڭتايلاندىرۋ، ستاسيوناردى الماستىراتىن كومەك دەڭگەيىندە جۇرگىزىلەتىن نوزولوگيالار، مانيپۋلياسيالار مەن حيرۋرگيالىق وتالار ءتىزىمىن قالىپتاستىرۋ سىندى جۇمىستار جوسپارلانعان. ەكىنشى كەزەڭدە مىندەتتى الەۋمەتتىك مەديسينالىق ساقتاندىرۋ جۇيەسىن ەنگىزە وتىرىپ، تمككك پاكەتىنىڭ جاڭا ۇلگىسىن ءارى قاراي دامىتۋ كوزدەلگەن. ءبىزدىڭ ماقساتىمىز، قوس پاكەتتى قاتار دامىتا وتىرىپ، شۇعىل جانە كەزەك كۇتتىرمەتىن جاعدايعا دۋشار بولعان ءاربىر ادامعا كومەك كورسەتۋ جانە قوعام ءۇشىن ماڭىزى بار سىرقاتتاردى باقىلاۋدا ۇستاۋ. قاراپايىم تىلمەن ايتقاندا، بىردە-بىر ادام مەديسينالىق كومەكتەن قاعىلمايدى دەگەن ءسوز. سودان كەيىنگى كەزەڭدەگى ماقسات - ءتىزىمدى تۇراقتى تۇردە جاڭارتىپ وتىرۋ، ەسكىرگەن تەحنولوگيالاردان باس تارتۋ. سەبەبى مەديسينالىق تەحنولوگيالار ۇزدىكسىز دامۋ ۇستىندە.

سونىمەن، تمككك پاكەتىنە قانداي قىزمەت تۇرلەرىن ەنگىزۋ ۇسىنىلىپ وتىر؟

ت.ابىلدايەۆتىڭ سوزىنە سۇيەنسەك، بۇعان دارىگەردىڭ جەدەل كومەگىن قاجەت ەتەتىن شۇعىل جاعدايلاردا، الەۋمەتتىك ماڭىزى بار اۋرۋلارعا (تۋبەركۋلەز، ۆيچ-ىندەتى، پسيحيكالىق اۋىتقۋلار، قاتەرلى ىسىك ت.ب.) شالدىققاندارعا كورسەتىلەتىن مەديسينالىق كومەك جاتادى. سونداي-اق، بۇل تىزىمگە سوڭى مۇگەدەكتىككە اكەپ سوقتىراتىن، دەموگرافيالىق وسىمگە زالال كەلتىرەتىن جۇقپالى ەمەس سوزىلمالى اۋرۋلاردىڭ نەگىزگى تۇرلەرىن، قورشاعان ورتاعا ءقاۋىپ توندىرەتىن وتكىر جۇقپالى سىرقاتتاردى دياگنوستيكالاۋ مەن ەمدەۋ دە كىرەدى. تمككك پاكەتىنە كىرەتىن باستاپقى مەديسينالىق-سانيتارلىق كومەك ىشىندە: پروفيلاكتيكالىق ەكپەلەر، توق ىشەك، ءسۇت بەزى، جاتىر موينى ىسىگىنە سكرينينگ، قان اينالىم جۇيەلەرىنىڭ اۋرۋلارىنا تەكسەرۋ، گلوۋكوما، 1 جاسقا دەيىنگى بالالاردى جانە جۇكتى ايەلدەردى قاراۋ، سوزىلمالى اۋرۋلاردى قاداعالاۋ (29 توپ)، الەۋمەتتىك ماڭىزى بار سىرقاتتاردى باقىلاۋ (اۋرۋدىڭ 5 ءتۇرى بويىنشا)، جەدەل جاردەم، زەرتانالىق دياگنوستيكا (126 قىزمەت بويىنشا)، قوندىرعىلاردىڭ كومەگىمەن دياگنوستيكا جاساۋ (قىزمەتتىڭ 89 ءتۇرى بويىنشا)، سوزىلمالى نەمەسە الەۋمەتتىك اۋرۋلار بويىنشا دارىگەردىڭ كەڭەسى دە بار. تمككك پاكەتىنە ۇسىنىلعان كونسۋلتاتيۆتىك-دياگنوستيكالىق كومەك تۇرلەرى:

- باستاپقى مەديسينالىق-سانيتارلىق كومەك دەڭگەيىندە باقىلاۋعا بولاتىن سوزىلمالى اۋرۋلاردى تۇراقتى باقىلاۋ (بۇل بويىنشا 24 ءتۇرلى سىرقاتقا شالدىققان 2،4 ملن ادامعا كومەك كورسەتىلەدى؛

- الەۋمەتتىك ماڭىزى بار اۋرۋلاردى انىقتاۋ جانە ەمدەۋ؛

مىندەتتى الەۋمەتتىك مەديسينالىق ساقتاندىرۋ پاكەتىنە باعاسى قىمبات لابوراتورلىق دياگنوستيكا قىزمەتتەرى، تمككك پاكەتىنە ەنبەگەن سىرقاتتار بويىنشا امبۋلاتورلىق دەڭگەيدە دارى-دارمەكپەن قامتاماسىز ەتۋ، ستاسيوناردى الماستىراتىن كومەك، مەديسينالىق وڭالتۋ جانە دەنساۋلىقتى قالپىنا كەلتىرۋ سىندى قىزمەتتەردى ەنگىزۋ ۇسىنىلىپ وتىر، دەيدى تىلەۋحان شىلدەباي ۇلى.

مسق الماتى قالالىق فيليالى ديرەكتورىنىڭ سوزىنشە، ءمامس دەڭگەيىندەگى كونسۋلتاتيۆتىك-دياگنوستيكالىق كومەككە مىناداي قىزمەتتەر ەنۋى ءتيىس:

- ەرەسەكتەردى پروفيلاكتيكالىق تەكسەرۋدەن وتكىزۋ؛

- 18 جاسقا دەيىنگى بالالاردى سكرينينگتىك تەكسەرۋدەن وتكىزۋ؛

- 18 جاسقا دەيىنگى بالالارعا، مۇگەدەكتەر مەن زەينەتكەرلەرگە، كوپ بالالى انالارعا ستوماتولوگيالىق قىزمەت كورسەتۋ؛

- سالا ماماندارىنىڭ قابىلداۋى، كەڭەسى مەن ەم-دوم شارالارى (35 پروفيل بويىنشا)؛

- باستاپقى مەديسينالىق سانيتارلىق كومەك دەڭگەيىندە باقىلاۋعا جاتپايتىن سوزىلمالى اۋرۋلارعا شالدىققان ناۋقاستاردى باقىلاۋ (نيەۆرولوگيالىق، ەندوكريندىك، تۇقىم قۋالايتىن اۋرۋلار، وسە كەلە پايدا بولعان اقاۋلار، تامىر، سۇيەك، بۋىن اۋرۋلارى، جاراقاتتاردىڭ سالدارىنان بولاتىن اۋرۋلار، زات الماسۋ جۇيەسى قىزمەتىنىڭ بۇزىلۋى ت.ب.)؛

- باعاسى قىمبات لابوراتورلىق دياگنوستيكا (قىزمەتتىڭ 750 ءتۇرى: ميكروەلەمەنتتەرگە، فەرمەنتتەرگە، كەيبىر دارىلىك قۇرالدارعا، گورموندارعا، دارۋمەندەرگە، ونكوماركەرلەرگە، اۋتويممۋندى ماركەرلەرگە، اللەرگەندەرگە، ۆيرۋستى گەپاتيت ماركەرىنە بيوحيميالىق زەرتتەۋ، پسر دياگنوستيكا)؛

- ينسترۋمەنتالدى زەرتتەۋ جانە فۋنكسيونالدى دياگنوستيكا (228 قىزمەت بويىنشا).