قازاق ءباسپاسوزى تاعى ءبىر جاڭا باسىلىممەن تولىقتى. اقپان ايىنىڭ 14 كۇنىنەن باستاپ شىمكەنتتەن رەسپۋبليكاعا تارايتىن «جەبە» گازەتى شىعا باستادى. جاڭا باسىلىم ۇلتتىق ءھام تۇركىلىك باعىتتى ۇستانۋدى كوزدەپ وتىرعان جايى بار. تۇراقتى اۆتورلارى دا جوق ەمەس. «جەبە» گازەتى جۇرتشىلىقتى وڭتۇستىك ءوڭىرىنىڭ تىنىس-تىرشىلىگىنەن حاباردار ەتۋمەن قاتار، رەسپۋبليكا كولەمىندەگى تاقىرىپتاردى دا كوتەرەتىن بولادى. باسىلىمنىڭ باس رەداكتورى - زاحاردين قىستاۋبايەۆ. جاڭا گازەت حالىقارالىق دەڭگەيدەگى اقپاراتتارعا رەسەيلىكتەردىڭ كوزىمەن ەمەس، وزگە قىرىنان قاراۋدى ماقسات تۇتادى. سونىمەن بىرگە تۇركى تەكتەس ەلدەردەگى جاڭالىقتارعا نازار اۋدارماق نيەتتە. سونداي-اق، بەلگىلى عالىمدار امانگەلدى ايتالى، تۇرسىن جۇرتباي سىندى ازاماتتار تۇراقتى تۇردە جەكە ايدار جۇرگىزەتىن بولادى. قىسقاسى، جاڭا باسىلىمنىڭ ماقساتى بيىك. http://www.inform.kz