ق ر دەنساۋلىق ساقتاۋ ءمينيسترى ەلجان ءبىرتانوۆ مەنينگوكوكك ينفەكسياسىنا قارسى ۆاكسينا باعاسىن ارزانداتۋ بويىنشا جۇمىستار جۇرگىزىلەتىنىن مالىمدەدى، - دەپ حابارلايدىQamshy.kz اقپارات اگەنتتىگى.

وسىعان دەيىن پرەمەر-مينيستر ساعىنتايەۆ ۆاكسينا باعاسىنىڭ قىمبات ەكەندىگىن ايتىپ، مينيسترلىكتىڭ جۇمىسىن سىناعان بولاتىن.

كەي وڭىرلەردە ەكپە 20 مىڭ تەڭگەدەن ساتىلسا، كەيبىرىندە 40 مىڭ تەڭگەگە ساتىلىپ جاتىر. ءوز كەزەگىندە پرەمەر-مينيستر بۇل ماسەلەنى شەشۋدى تاپسىردى.

"بۇل ماسەلە بار. فارماسيا كوميتەتى دارى-دارمەك باعاسىن تۇراقتاندىرۋ ءۇشىن، وڭىرلەرمەن جۇمىس جاساي باستادى. مەنىڭ ويىمشا، ەكپەنىڭ باعاسىنا ارزانداتۋعا مۇمكىندىك بار. پرەمەر-مينيستر بىزگە جانە جەرگىلىكتى اتقارۋشى ورگاندارعا باعاسىن ارزانداتۋ تۋرالى تاپسىرما بەردى. جۇمىس جاسايتىن بولامىز"، – دەيدى ءبىرتانوۆ.

ەستەرىڭىزگە سالا كەتەيىك، قازاقستاندا جىل باستالعالى 13 ادام كوز جۇمدى. ولاردىڭ التاۋى 14 جاسقا تولماعان بالالار. ال ينفەكسيادان كوز جۇمعانداردىڭ كوبى الماتىدا.