پارتيانىڭ جاڭا جوبالارى – بىركۇندىك اكسيا نەمەسە كەڭسەلىك شارالار ەمەس، پارتيا مۇشەلەرىنىڭ ەڭبەگى ناتيجەسىندە قازاقستاندىقتاردىڭ ءومىرى مەن تۇرمىسى جاقسارۋى ءتيىس. بۇل تۋرالى «نۇر وتان» پارتياسىنىڭ حاتشىسى تامارا دۇيسەنوۆا قاراعاندىدا ءوتىپ جاتقان «نۇر وتان» پارتياسى باستاۋىش پارتيا ۇيىمدارىنىڭ ايماقتىق فورۋمىندا ايتتى.

ايماقتىق فورۋمعا قوستاناي، قاراعاندى وبلىستارى  جانە استانا، الماتى قالالارىنان ءىرى باستاۋىش پارتيا ۇيىمدارىنىڭ ءتوراعالارى، اۋماقتىق فيليال ءتوراعالارىنىڭ ورىنباسارلارى، بارلىعى 250-گە جۋىق پارتيالىقتار قاتىسۋدا.

فورۋمنىڭ ءبىرىنشى كۇنى 4 سەكسيالىق جۇمىس جۇرگىزىلۋدە. سەكسيالاردا پارتيا قىزمەتىن جاڭعىرتۋ جۇمىستارى اياسىندا قولعا الىنعان «باستاۋىش پارتيا ۇيىمدارىنىڭ قىزمەتىن جانداندىرۋ» تۇجىرىمداماسى، پارتيا قىزمەتىن جاڭعىرتۋ جۇمىستارى اياسىندا قولعا الىنعان سيفرلاندىرۋدى جۇزەگە اسىرۋ، پارتيا كادرلىق رەزەرۆىن جانداندىرۋ، پارتيانىڭ تالداۋ جانە ساراپتاۋ الەۋەتىن ارتتىرۋ،  ءبىرقاتار ناقتى باعىتتار بويىنشا باستاۋىش پارتيا ۇيىمدارىنىڭ قىزمەتىن جانداندىرۋ باعىتتارى تالقىلانۋدا.

فورۋم بارىسىندا پارتيا حاتشىسى وسىنداي فورۋمدار تاعى دا ەلىمىزدىڭ 2 وڭىرىندە ۇيىمداستىرىلاتىن اتاپ ءوتتى.

- ايماقتىق فورۋمدا باس قوسقان باستاۋىش پارتيا ۇيىم وكىلدەرىنىڭ «جاڭا تۇجىرىمداما» بويىنشا ايتىلعان ۇسىنىستارى، پىكىرلەرى جيناقتالىپ، وسى جىلدىڭ اياعىندا استانادا وتەتىن رەسپۋبليكالىق بپۇ-نىڭ فورۋمىندا جاريالانادى، - دەپ اتاپ ءوتتى تامارا دۇيسەنوۆا.

ايتا كەتسەك،  «نۇر وتان» پارتياسى باستاۋىش پارتيا ۇيىمدارىنىڭ العاشقى ايماقتىق فورۋمى 22-23 تامىز كۇندەرى شىمكەنتتە ءوتتى.

انىقتاما ءۇشىن: 2018 جىلدىڭ 1 شىلدەسى بويىنشا ەلىمىزدە 1 ميلليوننان اسا مۇشەسى بار 5 839 باستاۋىش پارتيا ۇيىمى جۇمىس ىستەيدى (بپۇ). پارتيا قۇرىلىمىن جەتىلدىرۋ ماقساتىندا كىشىرەك ۇيىمداردى ىرىلەندىرۋ ارقىلى باستاۋىش پارتيا ۇيىمدارى جۇيەسىن وڭتايلاندىرۋ پروسەسى ءجۇرىپ جاتىر. بۇگىنگى تاڭدا باستاۋىش پارتيا ۇيىمدارىنىڭ جالپى كولەمىنىڭ 51،3% (3001 بىرلىك) 3-تەن 100-گە دەيىنگى مۇشەسى بار، 41،6% (2432 بىرلىك) 100-دەن 500-گە دەيىن مۇشەسى بار باستاۋىش پارتيا ۇيىمدارى قۇرايدى.

باستاۋىش پارتيا ۇيىمدارى جۇمىسىن ۇيىمداستىرۋدا ماڭىزدى رول بپۇ ءتوراعاسىنا بەرىلەدى. تۇراقتى تۇردە بپۇ ءتوراعالارىن، پارتيا مۇشەلەرىن ءارتۇرلى پارتيالىق وقۋ ادىستەرمەن (ونلاين-وقۋ، سەمينار-ترەنينگتەر، سونداي اق جيناقى) وقىتىلادى. 2017 جانە 2018 جىلدارى 4 مىڭعا جۋىق بپۇ ءتوراعاسى ءبىلىم جەتىلدىردى.