21 تامىزدا پەتەربۋرگ قالاسىندا بەلسەندى ءارى بلوگەر ەدۋارد نيكيتيننىڭ ۇستىنەن قىلمىس ءىس قوزعالدى. رەسەيلىك ازامات ەدۋارد نيكيتين 2-توپتاعى مۇگەدەك. ول ۆكونتاكتە الەۋمەتتىك جەلىسىنە جاريالاعان ساياساتقا قاتىسى بار "انەكدوت" ارالاس جازباسى ءۇشىن 5 جىلعا دەيىن سوتتالۋى مۇمكىن.

سسرو كەزىنەن بەرى العاش رەت ءازىل-قالجىڭ ءۇشىن ادامنىڭ ۇستىنەن قىلمىستىق ءىس قوزعالۋدا. الەۋمەتتىك جەلىدە بولىسكەن ەكى جازباسى ءۇشىن «سوليدارنوست» قوزعالىسىنىڭ مۇشەسى ەدۋارد نيكيتينگە ادامنىڭ جەكە باسىنا ءتىل تيگىزىپ، قورلادى دەگەن ايىپ تاعىلدى.

ەدۋارد نيكيتين 1971 جىلى تۋعان، ءقازىر اتا-اناسىمەن بىرگە تۇرادى. قىلمىستىق ءىس قوزعالعان بەلسەندىنىڭ ءازىل-قالجىڭ ارالاس جازبالارى مەن پىكىرلەرى تۇسىنىسپەۋشىلىك پەن قارسىلىق تۋعىزعان.

ەدۋارد نيكيتين 2016 جىلى دا تەكسەرىستەن وتكەن. اتالعان قىلمىستىق ءىس 2017 جىلدىڭ جەلتوقسانىندا قوزعالعان كورىنەدى.

«الەۋمەتتىك پاراقشاما «بىرنەشە شيەنى جيناعانمەن تورتقا اينالمايدى»، دەگەن ماتىندەگى مەملەكەتتىك سايلاۋدىڭ ناتيجەسى تۋرالى جازبانى ءبولىستىم»، - دەيدى ەدۋارد نيكيتين.

«ەدۋارد نيكيتين اۆتورلىعى كورسەتىلمەگەن بىرنەشە جازبالاردى بولىسكەن. جازبالاردىڭ قاتارىندا مەملەكەتتەگى سايلاۋ ناتيجەسىن سىنعا العان ءازىل-قالجىڭى ارالاس جازبا دا بولعان. ەگەر ءسىز ەلىمىزدەگى دەپۋتاتتارعا، مەملەكەت باسشىسىنا، بيلىك باسىنداعى شەنەۋنىكتەرگە سەنبەسەڭىز، مەملەكەت جاقسى جاعىنان وزگەرىپ جاتىر دەگەنگە كۇمان كەلتىرسەڭىز «ەكسترەميزم» بابى بويىنشا قىلمىسكەر بولىپ شىعا كەلەسىز. ال ەگەر وسى تۋرالى ءازىل-قالجىڭ، ياعني "انەكدوت" ايتساڭىز جاعدايىڭىز بۇدان دا جامان بولادى»، دەيدى ەدۋارد نيكيتيننىڭ ادۆوكاتى.