تامىزدىڭ 26-سى كۇنى «سپورتتىق الماتى» باعدارلاماسىنىڭ اياسىندا الىپ شاھاردا كونستيتۋسياسى كۇنىنە ارنالعان كەزەكتى ۆەلوشەرۋ وتەدى، دەپ حابارلايدى سپورتتىق حاب.

كەز كەلگەن قالا تۇرعىنى مەن قوناقتارى تاڭعى ساعات 08:30-دا «نۇرلى تاۋ» بيزنەس ورتالىعى ماڭىنا جينالىپ، ۇيىمداستىرۋشىلاردان باعالى سىيلىقتار ويناتىلاتىن لوتورەيانىڭ نومىرلەرىن الادى.

ۆەلوشەرۋ ساعات 09:00-دە باستالىپ، تۇڭعىش پرەزيدەنتى ساياباعىندا اياقتالادى. ۆەلوشەرۋدىڭ قاشىقتىعى 8 شاقىرىم. مارەدە قاتىسۋشىلاردىڭ اراسىندا باعالى سىيلىقتار مەن ۆەلوسيپەد ويناتىلادى.

ۇيىمداستىرۋشىلار ءوز تاراپىنان قاتىسۋشىلارعا ارنايى باس كيىمسىز (شلەمسىز) قاتىسۋعا تىيىم سالىناتىنىن ەسكەرتەدى.

ايتا كەتەر جايت، بۇل ۆەلوشەرۋ «سپورتتىق الماتى» قالالىق باعدارلاماسى اياسىندا 2018 جىلى جوسپارلانعان 21 ۆەلوشەرۋدىڭ ون ءتورتىنشىسى.

«سپورتتىق الماتى» باعدارلاماسى الىپ شاھاردا بۇقارالىق سپورتتى دامىتۋ ماقساتىندا جۇزەگە اسىرىلىپ كەلەدى.