الماتى سيفرلاندىرۋ بويىنشا قالالار اراسىنداعى الەمدىك رەيتينگتە 25-ورىنعا تابان تىرەدى. 

الماتى اكىمدىگىندە بۇگىن قالالىق ءىىد وكىلدەرى مەن قوعامدىق كەڭەس مۇشەلەرى قالانىڭ قاۋىپسىزدىك ماسەلەلەرىن تالقىلادى. 

«اكىمدىك قاۋىپسىزدىك ماسەلەسىنە كەلگەندە 20-عا جۋىق كەشەندى باعدارلاما قابىلداعان. ءار دۇيسەنبى كۇنى اكىمدىك اپپاراتىندا دەپارتامەنت جەتەكشىلەرىمەن قالا تۇرعىندارىنىڭ ارىز-شاعىمى جايلى جيىن وتەدى. تالداۋ كورسەتكەندەي، ۇلكەن قالادا قاۋىپسىزدىك ماسەلەسى وتە وزەكتى. سەبەبى، قالادا كوشى-قون كورسەتكىشى وتە جوعارى. قاۋىپسىزدىكتى قامتاماسىز ەتۋ ماقساتىندا قالامىزدى سيفرلاندىرۋدى بەلسەندى قولعا الىپ جاتىرمىز. بۇگىندە الماتى سيفرلاندىرۋ رەيتىنگىندە 25-ورىندا تۇر»، - دەدى باۋىرجان بايبەك. 

الماتى اكىمى ايتقانداي، الەمدىك ستاندارت بويىنشا ادام 24 ساعات بويى ءوزىن ءقاۋىپسىز سەزىنۋى كەرەك. 

«بۇگىندە اكىمدىك الەۋمەتتىك جەلى ارقىلى حالىقپەن بايلانىستا وتىر. ينستاگرام ارقىلى عانا حالىقتىڭ الاڭداۋلى سۇراقتارى 3 كۇندە شەشىلەدى. سوڭعى 3 جىلدا پوليسيا قىزمەتكەرلەرىن تەحنولوگيالارمەن، كولىكپەن قامتۋعا 30 ملرد تەڭگە ءبولىندى. بۇرىن قامتۋ كورسەتكىشى 66 پايىز بولسا، ءقازىر پوليسيا 90 پايىزعا جابدىقتالعان»، - دەدى اكىم. 

قالا باسشىسى بۇل كورسەتكىشتى جىل سوڭىنا دەيىن 100 پايىزعا جەتكىزۋدى كوزدەپ وتىر. 

«بۇگىندە ۆيدەوباقىلاۋمەن جانە GPS قۇرالدارمەن 200 كولىك جابدىقتالعان. وسى قۇرالداردىڭ ارقاسىندا بىلتىر 241 مىڭ جول ەرەجەسىن بۇزۋ دەرەگى اشكەرەلەندى»، - دەدى اكىم.