اعىمداعى جىلى جامبىل وبلىسىندا رادياكتيۆتى قالدىقتار قورىن انىقتاۋ جۇمىستارى جۇرگىزىلەدى. بۇل تۋرالى ق ر قورشاعان ورتانى قورعاۋ ءمينيسترى نۇرلان قاپپاروۆتىڭ وسى ايماققا جاساعان جۇمىس ساپارى بارىسىندا ءمالىم بولدى. وبلىس اكىمدىگىنىڭ باسپا ءسوز قىزمەتى حابارلاعانداي، بۇگىنگى تاڭدا وبلىس بويىنشا 144 راديواكتيۆتى وشاق بار. وندا ۋران، راديي جانە رادوننىڭ قالدىقتارى انىقتالىپ وتىر. اسىرەسە، مويىنقۇم اۋدانىنداعى قۇلان كەن ورنىن جان-جاقتى زەرتتەۋ كەرەك. سەبەبى ول جەردە راديواكتيۆتى ەلەمەنتتەر كوپتەپ كەزدەسەدى.
جالپى، وتكەن جىلى جامبىل وبلىسىنىڭ اكىمدىگى تابيعاتتى قورعاۋ شارالارىنا 1،02 ملرد. تەڭگە بولگەن ەدى. ال 2011 جىلى بيۋدجەتتەن بولىنگەن قاراجات 894،2 ملن. تەڭگەنى قۇراعان. وسى جىلى شىعاناق ستانساسىندا راديواكتيۆتى قالدىقتار انىقتالعان بولاتىن. ونى جويۋ ماقساتىندا قوسىمشا 21،8 ملن. تەڭگە ءبولىندى.
قازاقپارات
پىكىر قالدىرۋ