سايرام اۋدانىنداعى مەشىت يمامى 12 جاستاعى قىزدى زورلاماق بولعان...
وڭتۇستىك قازاقستان وبلىسى، سايرام اۋدانىنداعى يمام 12 جاستاعى قىزدى زورلاماق بولعاندىعىن، ەمىنسەكتىك جاساعانىن مويىندادى. بۇل تۋرالى سايرام اۋدانىنىنىڭ ءىىب بەرگەن مالىمەتكە سۇيەنىپ «ينتەرفاكس-كازاحستان» حابارلايدى. «قايناربۇلاق» ەلدى-مەكەنىنىڭ 26 جاستاعى يمامى ءوز كىناسىن مويىنداپ، وعان وكىنەتىندىگىن جەتكىزگەن. اۋداندىق ءىىب-نىڭ حابارلاۋىنشا، ول ۇيلەنگەن جانە ءبىر بالانىڭ اكەسى. ءبىراق، ەكەۋى ازىرگە بولەك تۇرادى ەكەن. ءقازىر يمامنىڭ بۇل ارەكەتىنە بايلانىستى 14 جاسقا تولماعان قىزدى زورلاماق بولعانى ءۇشىن قىلمىستىق ءىس قوزعالىپ جاتىر. بۇل وقيعا بەيسەنبى كۇنى بولعان. ەلدى-مەكەن تۇرعىنى پوليسياعا شاعىمدانىپ، 12 جاستاعى قىزىن زورلاماق بولعانىن ايتقان.
پىكىر قالدىرۋ