1 ناۋرىز كۇنى «ادەمى-اي» كومپانياسى جانە «ادەمى-اي» ونەر مۇراجايى «ۇلت جاۋھارلارى» اتتى كورمە وتكىزدەدى. كورمە 8 ناۋرىز حالقارالىق ايەلدەر مەرەكەسىنىڭ قۇرمەتىنە وراي ۇيىمداستىرىلىپ وتىر، وندا كونە جادىگەرلەر مەن جاڭا كادەسىيلار ۇسىنىلادى. كورمەگە الماتى قالاسى اكىمشىلىگى جانىنداعى «ايەلدەر ءىسى جانە وتباسى-دەموگرافيالىق ساياسات جونىندەگى گەندەرلىك كوميسسيا» مۇشەلەرى، قالا تۇرعىندارى قاتىسادى.
«ادەمى-اي» كومپانياسى سوڭعى 10 جىل كولەمىندە ۇلت مۇرالارىن زاماناۋي تەحنولوگيالارمەن جاڭعىرتىپ، حالقىمىزدىڭ سالت-داستۇرىنە ساي جاسالعان كادەسىيلاردى حالىققا ۇسىنىپ كەلەدى. ەستەرىڭىزگە سالا كەتسەك، 2010 جىلى «ادەمى-اي» كومپانياسىنىڭ ديرەكتورى، قازاقستان رەسپۋبليكاسىنىڭ مادەنيەت قايراتكەرى، ونەرتانۋشى، كوللەكسيونەر باحارگۇل تولەگەن قىزى 1000-نان استام جادىگەرى قويىلعان «ادەمى-اي» ونەر مۇراجايىن اشقان بولاتىن. بۇگىنگى كۇنگە دەيىن مۇراجاي كونە جادىگەرلەرمەن تولىعۋدا.
«ادەمى-اي» كومپانياسى دا بيىلعى جىل شىعارماشىلىق جۇمىستارعا باسىمدىلىق بەرە وتىرىپ، جاڭا ونىمدەرىنىڭ قاتارىن كوبەيتتى. ولاردىڭ قاتارىندا، قازاق ەلىنىڭ تاريحىنان سىر شەرتىپ، بۇگىنگى كەلبەتىن بەينەلەيتىن «قازاقستان تاريحى» تاباقشاسى، ناۋرىز كارتيناسى، زەرگەرلىك اشەكەيلەر، جىبەكتەن جاسالعان توقىما بۇيىمدار، وڭىرلەرگە ارنالعان تاباقشالار توپتاماسى، قازاق حالقىنىڭ سوعىس قارۋلارى مەن ساز اسپاپتارى ۇلگىسىندە جاسالعان فلەش-كارتالار بار.
وتەتىن ورنى: «ادەمى-اي» ونەر ءۇيى، الماتى قالاسى شيەۆچەنكو كوشەسى، 133ب، (بايزاقوۆ كوشەسىنىڭ قيىلىسى).
وتەتىن ۋاقىتى: 11.00-دە.
قوسىمشا اقپارات: +7 (727) 378 84 85
قۇمار جۇماحان 8702 118 64 83
گۇلميرا ءنالىباي 87772887311
پىكىر قالدىرۋ