ءار مينيستر كەلگەن سايىن ءبىر رەفورما! ءبىلىم بەرۋ سالاسى سىناق پوليگونى سياقتى. تاۋەلسىزدىكتىڭ 27 جىلى ىشىندە ءبىلىم سالاسىنا جاسالعان رەفورمالاردى ساناساڭىز ساۋساعىڭىز جەتپەيدى. ال ونىڭ سالدارى تۋرالى ايتپاي-اق قوياىق. كەشە قاراعاندى حالقىمەن كەزدەسكەن قاسىم-جومارت توقايەۆ وسى رەفورماشىلدىقتى سىنعا الدى. ارينە، وسى 30 جىلعى رەفورمالار ءبىزدىڭ ءبىلىم جۇيەمىزدى دامىعان ەلدەر ساناتىنا سۇيرەپ الىپ شىققان بولسا قانەكي. ءبىرىن - ءبىرى جوققا شىعاراتىن رەفورمالاردان ۇستازدار قاۋىمى دا شارشاعان. ايلىق جالاقىلارى دا تومەن. سونىڭ كەسىرىنەن بىلىكتى ۇستازدار قاتارى دا كەمىپ كەتكەن.

وسى ماسەلەگە ەرەكشە توقتالعان ق.توقايەۆ «قازاقستاننىڭ مۇعالىمدەرىنىڭ ەرەن ەڭبەكتەرى قۇرمەتتەۋگە لايىقتى. الايدا ۇستازداردىڭ ايلىق جالاقىلارىنىڭ دەڭگەيى ەڭ تومەنگىلەردىڭ قاتارىندا بولىپ كەلدى (رەسپۋبليكالىق ورتاشا ەڭبەكاقى دەڭگەيىنىڭ 66%-ى). ەندىگى جەردە ۇستازداردىڭ ەڭبەكتەرىنە اقى تولەۋ جۇيەسى قايتا قارالادى. بۇل ەلباسى جولداۋىندا ايتىلدى. تىنىمسىز ەڭبەكتەرى ءۇشىن پەداگوگتاردى ىنتالاندىرۋ – دۇرىس ءبىلىم بەرۋدىڭ باستى كەپىلى. مەكتەپ ءمۇعالىمىنىڭ بەدەلىن دە وسىلاي كوتەرۋ قاجەت. ءمۇعالىمنىڭ ورتاشا ەڭبەكاقىسى باسقا ەڭبەك سالالارىنا قاراعاندا اناعۇرلىم تومەن بولىپ تۇرعان كەزدە مەكتەپكە دارىندى، كاسىبي دەڭگەيى جوعارى جاس مامانداردى تارتۋ قيىنعا سوعادى» ، -دەدى.

ادىلبەك قابا