وسىدان بىرەر اپتا بۇرىن ساحلە-ۆورك زيەۆدە ەفيوپيانىڭ تۇڭعىش ايەل پرەزيدەنتى اتانسا، ەندى مىنە گرۋزيانىڭ بيلىك تاريحىنا تاعى ءبىر ايەل كەلىپ جاتىر.  الدىن الا ءمالىم بولعان دەرەكتەرگە قاراعاندا، جەكسەنبى كۇنى گرۋزيادا وتكەن پرەزيدەنتتىك سايلاۋدا تاۋەلسىز كانديدات  سالومە ءزۋرابيشۆيليدىڭ  جەڭىسكە جەتكەنى حابارلاندى. ول 38،82 داۋىس الىپ ءبىرىنشى ورىنعا شىقسا، 37،68 پايىزبەن وپپوزيسيالىق كانديدات گريگول ۆاشادزە ەكىنشى ورىن الدى.

♦بيلىككە تۇڭعىش ايەل پرەزيدەنت كەلدى، ەندى ەفيوپيادا ماتريارحات ورناي ما؟

گرۋزيانىڭ ورتالىق سايلاۋ كوميسسياسىنىڭ مالىمەتىنشە، سايلاۋعا حالىقتىڭ 46،74 پايىزى قاتىسقان. دەرەككە جۇگىنەر بولساق، پرەزيدەنتتىككە ۇمىتكەرلىككە  25 ادام ۇسىنىلعان. ولاردىڭ ىشىندە باستى باسەكەلەس رەتىندە گرۋزيانىڭ بۇرىنعى سىرتقى ىستەر ءمينيسترى، «گرۋزين ارمانى» پارتياسىنىڭ اتىنان ۇسىنىلعان تاۋەلسىز كانديدات سالومە زۋرابيشۆيلي مەن «كۇشىمىز – بىرلىكتە» بىرىككەن وپپوزيسيالىق پارتياسىنىڭ ۇمىتكەرى گريگول ۆاشادزە بولدى. ناتيجەسىندە گرۋزياداعى قازىرگى بيلەۋشى پارتيانىڭ وكىلى سالومە زۋرابيشۆيلي جەڭىسكە جەتتى. ال «كۇشىمىز – بىرلىكتە» ساياسي ۇيىمى  گرۋزيانىڭ قۋعىندا جۇرگەن بۇرىنعى پرەزيدەنتى ميحايل سااكاشۆيليدىڭ پارتياسى ەكەنىن ايتا كەتۋ كەرەك.  

ءقازىردىڭ وزىندە جەڭىسكە جەتكەن سالومە ءزۋرابيشۆيليدى پارلامەنت سپيكەرى يراكليي كوباحيدزە، ءتبيليسيدىڭ مەرى، «گرۋزين ارمانى» پارتياسىنىڭ باسشىسى كازا كوبادزە قۇتتىقتاپ ۇلگەردى.

ءبىراق الداعى ەكى اپتادان كەيىن كىمنىڭ باسىم داۋىس جيناعانى بەلگىلى بولماق. ساراپشىلاردىڭ كەيبىر اڭگىمەلەرىنە قاراعاندا، الداعى ۋاقىتتا پرەزيدەنتتىككە سايلاۋدىڭ ەكىنشى تۋرى ءوتۋى مۇمكىن. ويتكەنى اتالعان ۇمىتكەرلەردىڭ ەكەۋى دە جەتكىلىكتى دارەجەدە 50 پايىزدىق مەجەدەن وتە الماعان. ميحايل سااكاشۆيليدىڭ ارىپتەسى «كۇشىمىز – بىرلىكتە» ساياسي پارتياسىنىڭ اتىنان تۇسكەن ۇمىتكەر  گريگول ۆاشادزە ەكىنشى تۋردا جەڭىستى ءسوزسىز الاتىنىنا سەنىمدى وتىر.

...ەكى جىلدان كەيىن بىزدە دە پرەزيدەنتتىك سايلاۋ. كىم كەلەر ەكەن؟! ايەل مە، ەركەك پە؟!