«فورۋمعا 16 ەلدىڭ وكىلدەرى شاقىرىلعان. رەسەي، ۋكراينا، جاپونيا، نيدەرلاندى، تۇركيا، شۆەيساريا، اۆستريا، بەلگيا، پولشا جانە تاعى دا باسقا ءبىرقاتار ەلدەردىڭ دەگەگاتتارى،  يندۋستريا جانە جاڭا تەحنولوگيالار ءمينيسترى اسەت يسەكەشيەۆ جيىنعا قاتىسادى دەپ جوسپارلانعان. فورۋم قىزىلوردا قالاسىندا عانا ەمەس، بايقوڭىردا دا ۇيىمداستىرىلادى. العاشقى كۇنى پلەنارلىق وتىرىستار، ال ەكىنشى كۇنى دەگەگاتتار بايقوڭىردا بولىپ، ەكسكۋرسيا جاسايدى، تۋريستىك سالانى دامىتۋ ماسەلەلەرىن تالقىلايدى. «ەۋروپالىق دامۋ جانە قايتا قۇرۋ بانكى، ەۋرازيالىق دامۋ بانكى، «سامۇرىق- قازىنا» اق سياقتى ينستيتۋتتار فورۋمدا باس قوسادى. بيزنەس وكىلدەرى، مينيسترلىكتەر مەن شەتەلدىك ينۆەستورلار پىكىر الماسادى. ءبىزدىڭ وبلىس شەتەلدىك ينۆەستورلاردىڭ قىزىعۋشىلىعىن تۋدىرا الاتىن بىرنەشە جوبالاردى ۇسىنۋعا دايىن. ايماقتا كوپتەگەن پايدالى قازبالار بار. سوندىقتان، وڭدەۋ، قايتا وڭدەۋ ونەركاسىبى، تۋريزم، اۋىل شارۋاشىلىعى مەن باسقا دا سالالارعا ينۆەستيسيا مەن جاڭا تەحنولوگيالار تارتۋدىڭ ماڭىزى زور»،−  دەدى باسقارما باستىعى.