وسكەمەننىڭ شەكارا بەكەتىندە توتەنشە جاعداي ورىن الدى. 19 جاستاعى شەكاراشى كەۋدە تۇسىنان 2 رەت وق ءتيىپ كوز جۇمدى دەپ جازادى Qamshy.kz اقپارات اگەنتتىگى 31 ارنانىڭ دەرەگىن نەگىزگە الىپ. كۇدىكتىنىڭ سوزىنشە، قايعىلى جاعدايعا قارۋدىڭ سەبەپ بولعان.
شەكاراشى ءاليحان قوجاگەلدييەۆ اتىس قارۋىنىڭ ءبىر بولشەگىن جوعالتىپ العانى جايلى شەكارا ناريادىنىڭ اعا قىزمەتكەرى ارتەم دەرەگلازوۆقا ايتقان. ەكەۋى بىرلەسىپ ىزدەگەنىمەن قارۋ بولشەگى تابىلماعان. سەرىكتەسى ارتەمنىڭ سوزىنشە، ول جازادان قورقىپ، وزىنە وق اتقان.
"بۇل تەك جالعىز كۋاگەر دەرەگلازوۆتىڭ ايتۋىنا بايلانىستى تاراعان اقپارات. بۇعان سەنۋ قيىن. ەگەر ادام ءوز-وزىن ولتىرگىسى كەلسە، بىردەن باسىنان اتپايدى؟! ءاليحان كەۋدەسىنەن 2 رەت وق اتقان. دەرەگلازوۆ ءاليحاننان وتە الىس تۇرعانىن جانە بارلىعى تەز بولعانىن ايتقان" - دەيدى ءاليحاننىڭ اعاسى اسحات قوجاگەلدييەۆ.
ءاليحان وسكەمەندەگى اقجون شەكارا بەكەتىندە ازاماتتىق بورىشىن وتەگەن. ءاليحان قوجاگەلدييەۆ كوللەدجدى ۇزدىك ءبىتىرىپ، ۋنيۆەرسيتەتكە گرانتتىق نەگىزدە وقۋعا تۇسكەن.
"رەسمي دەرەك بويىنشا قاتارداعى اسكەري قىزمەتكەر وز-وزىنە قول جۇمساعان. الايدا، ناقتى سەبەبىن ايتا المايمىن. قازىرگى ۋاقىتتا تەرگەۋ جۇمىستارى ءجۇرىپ جاتىر"، - دەيدى 2017 اسكەري ءبولىمنىڭ كومانديرى ەرىك تۇرعانبايەۆ.
ءقازىر جالعىز كۋاگەر ارتەم دەرەگلاۆتىڭ ۇستىنەن "وز-وزىنە قول جۇماساۋعا يتەرمەلەۋ" بابىنا سايكەس قىلمىستىق ءىس قوزعالدى.
ال قىزمەت بارىسىندا جوعالعان قارۋ بولشەگى ارنايى قۇرالدىڭ كومەگىمەن تابىلدى.
ال مارقۇمنىڭ اناسى ۇلىنىڭ مۇنداي قادامعا بارعانىنا سەنبەيدى. اناسى ىشتەي قايعىلى جايتتىڭ بولاتىنىن سەزگەندەي اسكەري قىزمەتكە ۇلىن شاقىرعان كەزدە دە قارسىلىعىن ءبىلدىرىپتى.
"مەن جالعىزباستى انا ەكەنىمدى ايتقانمىن. بالامدى الىپ كەتپەۋىن سۇراپ، جالىنعان ەدىم. ولار بولسا، ماعان "500 مىڭ تەڭگەڭىز بار ما؟ ەگەر بار بولسا، تولەڭىز. بولدى ماسەلە شەشىلەدى"، - دەپ جاۋاپ بەردى. مەن ءوز ۇلىمدى جاقسى بىلەمىن. ول بۇنداي قادامعا بارماس ەدى"، - دەيدى ۇلىنان ايىرىلعان انا.
پىكىر قالدىرۋ