ەرلان سايروۆ ەلباسىنىڭ "ۇلى دالانىڭ جەتى قىرى" اتتى ماقالاسىنا قاتىستى پىكىر ءبىلدىردى، دەپ جازادى Qamshy.kz اقپارات اگەنتتىگى.
"كوڭىلگە قونىمدى.
ءوزىڭنىڭ تاريحىڭمەن ماقتانىپ قانا قويماي، سول تاريحتىڭ قىر-سىرلارىن ساراپتاپ، عىلىمي نەگىزدە بولاشاققا باعدار جاساۋ وتە وزەكتى.
ءبىز جاھاندانۋ زامانىنا ءوزىمىزدىڭ تامىرىمىزبەن، سول تامىرىمىزدى تەرەڭدەتە وتىرىپ ەنۋىمىز وزەكتى.
وسى تۇرعىدا، ءوزىمىزدىڭ تولاعاي تاريحىمىزدى تۇلەتۋ كۇن تارتىبىندە، جانە ماڭىزدى.
وتارلاۋ كەزەڭىندە ءبىزدى، قازاقتاردى تاريحى بولماعان، بولمىسى، بەت-الپەتى جوق، دالانى كەزىپ جۇرگەن حالىق رەتىندە كورسەتۋ ارەكەتتەرى بولدى.
ءبىز سول جۇيەلى ارەكەتتەردىڭ ارقاسىندا ءوزىمىزدىڭ تاريحىمىزدان ايرىلىپ قالدىق، تاريحتى ەسىمىزگە العىمىز كەلمەدى، "تاريحتان شارشاۋ" سيندرومىنا ىلىكتىك...
"حالىقتى قۇرتقىڭ كەلسە، ونىڭ تاريحىن قۇرتۋ كەرەك، تاريحىن بىلمەگەن حالىق توبىرعا اينالادى" دەگەن اسپەكت بار.
ءبىز وسىناۋ "ماڭگۇرتتىك" زاماندى دا باسىمىزدان وتكەردىك...
جاھاندانۋ پروسەستەرى ۇلتتىڭ وتكەنى مەن وتكەرگەنىن باسقاشا كوزقاراسپەن ساراپتاي وتىرىپ، بولاشاققا باعدار جاساۋدى تالاپ ەتەدى...
جاھاندانۋ ءارقاشان بولعان...
حالىقتاردىڭ ۇلى كوشى، التىن وردا، دەلي سۇلتاناتى ۇلى دالانىڭ سەناريىمەن بولعان جاھاندانۋدىڭ جوبالارى...
وسى تاريحي جوبالاردىڭ جەتىستىكتەرىن ءالى كۇنگە دەيىن باتىس يەلەنىپ، پايدالانىپ كەلەدى...
اتتى قولعا ۇيرەتۋ، ۇزەڭگى، مەتاللۋرگيا، التىنى وڭدەۋ تەحنولوگيالارى ءبىزدىڭ قاسيەتتى جەردە پايدا بولعان...
وسى جايت باتىس تاريحناماسىندا جابۋلى قازان بولىپ تۇر.
عىلىمي-تەحنيكالىق پروگرەستىڭ تاريحشىسى لينن ۋايت "ۇزەڭگىنى جاساۋ ادامزات تاريحىندا ۇشاق، ءاۆتوموبيلدى جاساۋمەن تەڭ ريەۆوليۋسيا جاسادى" دەيدى...
بىزگە تاريح ارقىلى، ءوزىمىزدىڭ بولاشاعىمىزعا جول سالۋ قاجەت..." - دەيدى ەرلان سايروۆ ءوزىنىڭ جەلىدەگى پاراقشاسىندا.
پىكىر قالدىرۋ