ءسوزدى بىردەن "بۇكىل الەم اياعىمىزدىڭ استىندا"(«ۆەس مير ۋ ناشيح نوگ») اتتى ءفيلمىڭ جارناما تاقتاسى جايىندا ايتايىق. اتالمىش كينونىڭ جارناما پاراقشاسىنداعى «جانىم ارامنىڭ ساداعاسى» دەگەن جازۋ كوزىمىزگە بادىرايىپ كورىندى. قارجىسى 30 ميليون دوللاردى قۇراعان ەكشن جانرىنداعى قازاقستاندىق فيلم 26 ناۋرىزدان باستاپ كورەرمەنگە جول تارتقان ەكەن.  اتالمىش باننەر "MAXIMA ساۋدا - ويىن-ساۋىق كەشەنىنىڭ" الدىنا "ايعايلاپ" تۇر.

قازاقتا «جانىم ارىمنىڭ ساداعاسى» دەگەن ماتەل بار ەدى. ال بۇلار "جانىن ارامعا" نەگە ساداعا ەتكەنى بەلگىسىز. بىلمەستىك پە، ساۋاتسىزدىق پا، الدە قارا پيار ما؟ ول جاعىن انىق بىلمەدىك. نەدە بولسا بۇل قازاق ءتىلىن قورلاۋ بولىپ سانالادى. بۇل كينونى تۇسىرگەن رەجيسسەرى دە، پروديۋسەرى دە ءوزىمىزدىڭ قازاقتار ەكەن. ولار «ا» مەن «ى» ءارىپىن اجىراتا المايدى نەمەسە بۇل ماتەلدى بىلمەيتىن ادامدار دەۋ قيسىنعا كەلمەيدى. سوندىقتان ساۋاتسىزدىقتان كورى ءفيلمنىڭ قارجىسىن اقتاعا قارا پيار  جاساماق بولعان نامىسسىزدىق بولۋ ابدەن مۇمكىن.

ءبىر ەلدىڭ مەملەكەتتىك ءتىلىن قورلاۋعا اپارىپ سوعاتىن مۇنداي ماسقارالارعا جول بەرمەۋ ءۇشىن "جانىن ارامعا" ساداعا ەتكەن ءىستىڭ ءمان-جايىن انىقتاپ، رەسمي جاۋاپ بەرۋى كەرەك.

تۇردىبەك قۇرمەتحان