جاقىندا قازاقستاندىق بۇقارالىق اقپارات قۇرالدارىندا بقو، ورال قالاسىنىڭ تۇرعىنى ماقسات جۇماعالييەۆ ەسىمدى ازاماتتىڭ ق ر مادەنيەت جانە سپورت مينيسترلىگىنە جازعان ءوتىنىشى (شاعىمى) جاريالاندى. بۇل تۋرالى "قامشى" پورتالى uralskweek.kz سايتىنا سىلتەمە جاساي وتىرىپ حابارلايدى. جۇماعالييەۆ ءوزىنىڭ  شاعىمىندا ق ر مەملەكەتتىك ءانۇرانىنداعى ءبىر سويلەمدى تولىق اۋىستىرۋدى ۇسىنعان. "ق ر ءانۇرانىندا ءبىر سويلەم بار: "تۋعان جەرىم مەنىڭ - قازاقستانىم" - سوزبە-سوز اۋدارعاندا "كازاحستان — ەتو زەمليا، نا كوتوروي يا روديلسيا". مەن مىسالى، رەسەيدە تۋعام، 1992 جىلى قازاقستانعا كوشىپ كەلدىك. مەن قازاقستاندى ءوزىمنىڭ وتانىم دەپ ەسەپتەيمىن. الايدا، ءانۇراننىڭ سوزىنە سۇيەنسەك، ول مەنىڭ تۋعان وتانىم بولماي شىعادى. ياعني، مەن قازاقستاندى ءوزىمنىڭ تۋعان وتانىم دەپ ايتا المايمىن. سەبەبى، مەن قازاقستاندا تۋعان جوقپىن عوي. مەنىڭشە، قازاقستاندىقتاردىڭ  تەڭ جارتىسىنىڭ تۋعان، تاريحي وتانى باسقا مەملەكەت. سوندىقتان بىلدەي ءبىر مەملەكەتتىڭ ءانۇرانىنىڭ سوزىنە اباي بولۋىمىز كەرەك قوي"،-دەپتى ماقسات جۇماعالييەۆ. سونداي-اق، جۇماعالييەۆ ق ر مادەنيەت جانە سپورت مينيسترلىگىنە دە شاعىمدانىپ، حات جولداعان. حاتتا ول ءانۇراننىڭ وسى ءبىر جولىن تولىق اۋىرتىرۋدى سۇراعان. الايدا، مينيسترلىكتەگىلەر قازاقستاندىقتىڭ قوعامدىق بەلسەندىلىگىنە العىستارىن ايتىپ، ءانۇران ءسوزىن اۋىستىرۋدان باس تارتقان. ارينە، مەملەكەتتىك گيمن ارنايى ساراپتامادان، تەكسەرۋلەر مەن باقىلاۋلاردان ءوتىپ، جوعارعى زاڭ شىعارۋشى ورگاندارمەن راستالعاندىقتان كەز-كەلگەن ادامنىڭ ءوتىنىشى بويىنشا وزگەرەتە سالاتىن ويىنشىق ەمەس ەكەنى امبەگە ايان نارسە. 1956 جىلى بەلگىلى كومپازيتور ءشامشى قالداياقوۆتىڭ جازعان "مەنىڭ قازاقستانىم" ءانى 2006 جىلدىڭ 7 قاڭتارىنا باستاپ قازاقستان رەسپۋبليكاسىنىڭ مەملەكەتتىك ءانۇرانى بولىپ قابىلدانعان. الايدا "مەنىڭ قازاقستانىم" ءانى گيمن بولىپ جاريالانباي تۇرىپ،  قازاقستان پرەزيدەنتى نۇرسۇلتان ءابىش ۇلى نازاربايەۆ ءاننىڭ ماتىنىنە ءبىرشاما وزگەرتۋلەر ەنگىزگەن بولاتىن.