ق ر پرەزيدەنتتىگىنە كانديدات ن.ءا. نازاربايەۆقا
«نۇر-وتان» پارتياسى ءتوراعاسىنىڭ ورىنباسارى ب.ق.بايبەككە
«اق جول» پارتياسىنىڭ ءتوراعاسى ا.پەرۋاشيەۆكە
پاۆلودار وبلىسىنىڭ اكىمى ك.بوزىمبايەۆقا
پاۆلودار وبلىسىنىڭ پروكۋرورى م.ا.جورگەنبايەۆكە
وبلىستىق ۇقك باسشىسى ن.ن.نۋرسيپاتوۆقا
تاۋەلسىز ب ا ق وكىلدەرىنە
اشىق حات
سىزدەرگە پرەزيدەنت سايلاۋى الدىنداعى كەرەكۋ قالاسىنداعى قوعامدىق احۋال جونىندە ايتپاقپىن.
- گەورگيي لەنتاسى. تاريحتان بەلگىلى، لەنتانىڭ 1941-45جج. ەكىنشى دۇنيەجۇزىلىك سوعىسقا ەش قاتىسى جوق. سوندىقتان دا قازاقستان مەن بەلارۋس سول كەزدە كەڭەس يمپەرياسىنىڭ قۇرامىندا بولعاندىقتان، اكەلەرەمىز بەن اتالارىمىزدىڭ سول سوعىسقا قاتىسقاندىعىنىڭ بەلگىسى رەتىندە ارنايى سيمۆوليكا بەكىتىلدى. بۇعان سەبەپ بولعان، 18 عاسىرلاردان باستالعان «زا پوحودى ۆ سەنتارنۋيۋ ازيۋ»، «زا ۆزياتيە گ.چيمكەنتا»، «زا حيۆينسكيي پوحود»، «زا پوكورەنيە حانستۆا كوكاندسكوگو»، «زا وتليچيە نا كاۆكاز ي ۆزياتيە شتۋرموم كرەپوستي گەوك-تەپە»،«گەورگييەۆسكيي كرەست»، «وردەن سۆياتوگو گەورگيا پوبەدونوسا» وردەندەرى وسى لەنتاعا بەكىتىلەتىن بولعان. ءوز بابالارىمىز كەنەسارى حاننىڭ، يساتاي مەن ماحامبەتىڭ، كاۆكازداعى ءشامىلدىڭ ت.س.ۇلت-ازاتتىق كوتەرىلىستەردى جانشىپ وتىرعاندارعا بەرىلگەن.
اتالمىش لەنتا 2006 جىلدان باستاپ رەسەي مەملەكەتىندە جەكە قولدانىسقا ەنگىزىلىپ، ءسال كەيىن ءبىزدىڭ ەلدە دە تاراتىلا باستادى. قازىرگى ينتەرنەت جۇيەسى ارقىلى حالىق كوپ جاعدايلارعا قانىق. وسىنى بىلگەن قازاق، وزبەك، ۇيعىر، باسقا دا ورتالىق ازيا حالىقتارى، كاۆكازدىقتار، ۋكراينالىقتار، باسقا ۇلت وكىلدەرى جاپپاي ساتىلىپ جاتقان وسى لەنتالارعا قاتتى نارازى. قازىرگى سوعىس جاعدايىندا بۇل لەنتا ۋكراينا ءۇشىن دە باسقىنشىلىقتىڭ سيمۆولى بولىپ وتىر. بۇل لەنتانى تاراتۋ-ەل ىشىندەگى تىنىشتىقتى بۇزىپ، ارانداتۋ. كەڭەس ۋاقىتىنىڭ وزىندە 9 مامىردا الاڭعى شىققان ارداگەرلەر تەك وردەن-مەدالدارىن، نە ونىڭ ورنىنا پلانكىلەرىن تاعىپ شىعاتىن. ەشكىمنىڭ لەنتا تاقانىنىن كورگەمىز جوق.
بۇندايدى قاداعالاپ، كەلەڭسىز جايتتاردىڭ الدىن الىپ وتىراتۋ مىندەتى جۇكتەلگەن پاۆلودار وبلىسى ىشكى ساياسات باسقارماسى قول استىنداعى باق-تارعا 15.04.2015ج. ەگەمەن قازاقستاندا ۇكىمەتپەن بەكىتىلىپ شىققان مەملەكەت سيمۆوليكاسىنداعى لەنتانى بولسا دا (وكىنىشكە وراي وندا دا گەورگيي لەنتاسى، بەلگىسىز سەبەپپەن بەلگىلەنگەن؟) ناسيحاتتاۋعا جول بەرمەي وتىر. بۇل جونىندە اكىمشىلىك گازەتتەرى ج ش س «ەرتىس مەديا» باسشىسى نيەۆولين: ءسىز كوپەنوۆ مىرزامەن (وبل. ىشكى ساياسات) سويلەسىڭىز دەپ وتىر. ءبىراق ول كىسى مەنى جىلدار بويى ءبىر رەت تە قابىلداماعان. ورىنباسارى ر.شامكەن قىزى، قاراستىرامىز دەپ وتىر. ولار 1 اي دا قاراستىرۋى مۇمكىن... باق-تار ارقىلى ەش اقپارات تاراتقىسى كەلمەي، مەملەكەت سيمۆوليكاسىنداعى لەنتانى ناسيحاتتاماي وتىرعاندارى، وبلىستاعى، قالاداعى بولۋى مۇمكىن كەلەڭسىزدىكتەردىڭ الدىن-الماق تۇگىلى، كەرىسىنشە بولۋىن قالاپ وتىرعان جوق پا ەكەن دەگەن وي تۋدىرادى.
بۇل ماسەلەدە، ەڭ باستى ماسقارا، مەملەكەت 9 مامىرعا ارنالعان ءوز سيمۆوليكاسىن بەكىتسە دە، گەورگيي لەنتاسىنا ەش توسقاۋىل قويماۋىندا. ماعنا جاعىنان: ءبىر لەنتا ەلىمىزدىڭ كوك رامىزدەرى تۇستەس، پاتريوتتىقتى ناسيحاتتايتىن سيمۆوليكاسى دەپ ەسەپتەلسە، باسقاسى، كوزى اشىق قوعامعا، رەسەيدىڭ وتارلاۋداعى باسقىنشىلىعىمەن ۇشتاساتىن سيمۆولى رەتىندە قابىلدانادى. سونىمەن تاۋەلسىزدىك جىلدارى نەگىزىنەن ىنتىماقتا قالىپتاسقان ەلدىڭ قوعامى ەكىگە بولىنۋدە! بۇعان ەڭ باستى كىنالىلەر مەملەكەت باسىنداعىلار. بۇل جاعداي، مەملەكەت وداقتاس رەسەيدىڭ قاباعىنان قورىققاندىقتان، ءوز قوعامىن ءوزى ەكىگە ءبولىپ وتىر دەگەن ءسوز. ءاۋباستا بۇل وداقتىق تەك ەكونوميكا سالاسىن قامتيدى دەگەن سوزدەر جايىنا قالىپ، ەلىمىزدىڭ قوعامى 2-گە ءبولىنۋى قاۋىپتىلىگىنەن دە كورشىنىڭ قاباعى قورقىنىشتىراق بولىپ وتىر ما؟ وسى سۇراقتى پرەزيدەنت مىرزا، سىزگە قويىپ وتىرمىز!
- قالامىزدىڭ قازاق ءتىلىنىڭ ماسقارا جاعدايىنا از دا بولسا دەمەۋ كورسەتپەككە كۋتۋزوۆ ك. تۇرعان بوس بيلبوردقا (الدىندا «زدەس موجەت بىت ي ۆاشا رەكلاما» دەگەن جازۋى بولعان)، تىلدەر زاڭىنان: «قازاق ءتىلىن ءبىلۋ - قازاقستان رەسپۋبليكاسىنىڭ ازاماتتارىنىڭ پارىزى» دەگەندى قويايىق. بىرنەشە ازاماتتار ءوز قاراجاتىمىزعا دەگەنىمدە: ر.شامكەن قىزىنىڭ: «ول ءبىزدىڭ قۇزىرەتىمىزدە ەمەس، ءبىراق سەن كىم ەدىڭ سونى قوياتىن» جاۋابىن الدىم. سول بيلبوردكە قارسى، كوشەنىڭ ارعى بەتىندە ەرتەلى-كەش ورىس تىلىندە جارنامالايتىن بيلبورد تۇر. پاۋزالارى تەك ورىسشا مۋزىكامەن تولتىرىلعان! قالادا كوپ جەردە تۇر سونداي بيلبوردتار. قازاقشا جارناما 10 پايىزدان اسپايدى. قازاقشا اندەر ەشقاشان بولعان ەمەس!
- وسى جايتتار تۋرالى وبلىس اكىمشىلىگىنە حابارلاسسام، حاتشى ادەتتەگىدەي، تەك ورىس تىلىندە جاۋاپ بەرەدى. سەنىم تەلەفوندارى «گورياچايا لينيا»، بارلىعى ورىس تىلىنەن باستالادى. كوپ جاعدايدا سول تىلمەن بىتەدى دە. قابىلدانۋىنا جازىلايىن دەسەم تاعى سولاي، سوسىن نە ايتاسىڭ، بارلىعىن تاپتىشتەپ جازباشا جازۋ كەرەك دەيدى. بارلىعى ۋاقىت جەتىسپەيتىنى بەلگىلى. بلوگىنە جازايىن دەسەم، ساناتتى تاڭداۋعا كەلگەندە كۋرسوردى قويا المايتىنداي بۇعاتتاپ تاستاعان. اۋلەمەتتىك ماسەلەلەر بويىنشا ورىنباسارلارىمەن بۇرىنعى اكىمدەردىڭ كەزىندە دە، ءقازىر دە ەش حابارلاسۋعا مۇمكىندىك بولماعان. حاتشىلارى تەك: ءىسساپاردا، جيىلىستا، كەيىنىرەك حابارلاسىڭىز؛ كەيىنىرەك حابارلاسساق: «ول جاڭا عانا شىعىپ كەتتى»، «ۋاقىتى بولماي تۇر»، ت.س.س. جاتتاندى جاۋاپتاردى ايتادى.
جەرگىلىكتى بيلىك، اكىمدىكتەر ۇلتشىل (مەن ءۇشىن ۇلتشىل - مەملەكەتشىل، پاتريوت دەگەندى بىلدىرەدى، باسقا ۇلتتاردى وزەكتەن تەپكەندەردى ەمەس) ازاماتتارعا قارسى تۇرعوي، كونستيتۋسيادان باستاپ مەملەكەت زاڭدارىنا، قالدى مۇددەسىنە قارسى جۇمىس جاساپ جاتقانداي. وسىنداي بيلىكپەن ارقاسىن بۇرىككەندەر، «يديتە، پاسيتە سۆويح باران نا كازاحسكوم يازىكە، سكورو ەتو بۋدەت روسسيسكايا تەرريتوريا» دەگەن سىندى سوزدەردى ايتۋعا ەش قىمسىنبايدى. تىلدەر باسقارماسىنىڭ ورىنباسارى «ءبىز كىم كورىنگەنگە جۇگىرە بەرمەيمىز»، جانە قازاق ءتىلىنىڭ قارسىلاستارىنا كەرىسىنشە مەنىڭ اتىما شاعىم ءتۇسىرۋدى ۇيرەتەتىن بولعانسوڭ ولارعا جازبايتىن بولدىم. پوليسيا، شاعىمدانساڭ، كەرىسىنشە ءوزىڭدى سوتتاۋعا جۇگىرەدى (ويتكەنى قىزمەتكەرلەرى 90 پايىز قازاق بولسا دا، ولاردى دا قازاق تىلىمەن «قاجىتامىن»). قازاقشا سويلەگەندەرگە سەپاراتيستىك باعىتتاعى دا ايتىلاتىن سوزدەر: «ۆام چتو، ۋكراينۋ ۋسترويت چتو-لي، پاۆلودار، ا تو موجەت ي ۆەس كازاحستان وتتياپات». بۇل دا جوعارىدا ايتىپ كەتكەندەي، ەشكىمگە قازاقشا ءسوز ەستىرتپەيتىن جەرگىلىكتى اكىمشىلىكتەردىڭ دە «تاربيەسى».
پرەزيدەنت سايلاۋىنىڭ الدىنداعى كەرەكۋدەگى جاعداي وسى. باسقا دا سولتۇستىك وڭىرلەر وسىدان «الىسقا ۇزاماعانىن» توپشىلاعاندىقتان دا، نازارلارىڭىزدى اۋدارىپ، مەملەكەتىمىزدە، كەرەكۋ قالاسىندا وسىنداي ورەسكەل احۋالدىڭ بولماۋىن قاداعالايسىزدار، سۇراقتارىمىزعا جاۋاپ بەرەسىزدەر دەگەن ۇمىتپەن،
قۇرمەتپەن، بەيسەنباي تەگى، ر.ز. «جەلتوقسان اقيقاتى» رقب
نۇربايەۆ ق.ج.، تاريح ع.د.، پروفەسسور
تىلەۋباي ج.، ەنەرگەتيكا اۋديتورى
قالييەۆ م.، زەينەتكەر
نابييەۆ ق.، جۇمىسشى
سماعۇلوۆ ج.، شارۋاشىلىق قوجالىعى باسشىسى،
مىرزاعالي گ.، ستۋدەنت
سەيدۋالييەۆا گ.، جۇمىسشى
كەمەل س. جۇمىسشى
ساربايەۆ ا.ت. بانك قىزمەتكەرى
