ادامنىڭ ءارتۇرلى سۇرپى بولادى: بىرەۋ كارتاعا قۇمار، بىرەۋ اقشاعا قۇمار، بىرەۋ اتاققا قۇمار، ءبىراق اراققا قۇمار، بىرەۋ قىزعا قۇمار، بىرەۋ كورسەقۇمار... قۇمارلىق جەلكەڭە ءبىر مىنسە، ودان قايتىپ قۇتىلۋىڭ قيىن. سوندىقتان، ۇلى حاكىم ايتقانداي، «ادەت – ادەت ەمەس، ءجون ادەت» دەپ قاراعان دۇرىس. جامان نارسە جۇققىش كەلەدى.
ق ر پرەمەر-مينيسترى سەرىك احمەتوۆتىڭ بلوگىنا حات جازعان ازامات اتتى جىگىت وسى قۇمارلىق تۋرالى ماسەلەنى كوتەرىپتى. ول بۇعان دەيىن دە ۇكىمەت باسشىسىنىڭ دا، باسشى شەنەۋنىكتەردىڭ دە بولگتارىنا بىرنەشە رەت حات جازىپ، جاۋاپ الا الماعانىن ايتىپ قىنجىلادى. ال ازاماتتىڭ ايتىپ وتىرعان ماسەلەسى ەت پەن تەرىنىڭ اراسىندا جۇرگەن جەلىك ەمەس، اسقىنىپ كەتسە، ۇيىپ وتىرعان وتباسىنىڭ ويرانىن شىعاراتىن ءقاۋىپتى دەرت. قۇمارلىققا باسىڭ ءبىر قالدى دەگەنشە، باياعى باقىتتى كۇندەر باسىڭنان بۇل-بۇل ۇشتى دەي بەر.
«مەنىڭ تۋعان-تۋىستارىم مەن جاقىن دوستارىم «بۋكمەكەرلىك كەڭسە» دەگەن «دەرتكە» شالدىققان،– دەيدى ول. بۇل كەسەلدىڭ ءتۇرى جامان. اسىرەسە جاستاردى «جالماپ» جاتىر. جەڭىل جولمەن اقشا تابۋعا قۇنىققان ولار جالاقىلارىن قۇمارلىق ويىنعا تۇگەل سالىپ جىبەرگەنىمەن قويماي، بانكتەن نەسيە الادى ايتپەسە بىرەۋگە قارىز الادى. ءوز ۇيلەرىنەن وزدەرى اقشا ۇرلايتىندارى دا بار!!!»
اتتەڭ، جاقىن-جۋىعىنىڭ، دوس-جارانداردىڭ، جالپى قوعامنىڭ سالاۋاتتىلىعىن ويلاعان جاس جىگىتتىڭ جۇرەگىنىڭ تۇبىنەن شىڭعىرىپ شىققان جانايقايعا نازار اۋدارساق ەتتى. ەلوردانىڭ ءار جەر-ار جەرىندە بۋكمەكەرلىك كەڭسەلەر ءمىز باقپاعان قالپى قازداي ءتىزىلىپ تۇر.
ۇكىمەت باسشىسى ازاماتتىڭ ارىزىن قاراۋ ءۇشىن ق ر قارجى مينيسترلىگىنىڭ سالىق كوميتەتى ءتوراعاسى ا.جۇمادىلدايەۆقا جولداپ جىبەرىپتى.
داۋلەتقالي اساۋوۆ
Baq.kz
پىكىر قالدىرۋ