كۋاگەرلەردىڭ ايتۋىنشا، ءورت "ادەم" ساۋدا ۇيىندە 26 ساۋىردە شامامەن ساعات 11.30-دا شىقتى. عيماراتتان باستاپقىدا ءتۇتىن شىعىپ جاتتى، ەندى ول وتقا وراندى. بۋتيك يەلەرى وقيعا ورنىنا كەلدى، سونىمەن قاتار ساۋدا ءۇيىنىڭ ىشىندە ميلليونداعان قارجىعا الىنعان تاۋارى بار ادامداردىڭ كوزدەرىنە جاس العانى ايتىلادى. "ادەم" ساۋدا ۇيىندە جارىلىستار ەستىلەدى، بۇل گاز باللوندارىنىڭ جارىلعان داۋىسى بولۋى مۇمكىن.
وقيعا ورنىندا ءورت سوندىرۋشىلەر جۇمىس ىستەر جاتىر. ءبىراق كۋاگەرلەر ءورت سوندىرۋشىلەردى ارەكەتسىزدىك تانىتتى دەپ ايىپتاپ وتىر.
الدىن الا مالىمەت بويىنشا، 25 مىڭ شارشى مەتردى ءورت شالدى. "الماتى تجد پۋلتىنە ءورت تۋرالى حابار 22.24-تە كەلىپ ءتۇستى. وقيعا ورنىنا ءبىرىنشى بولىمشەلەر 6 مينۋتتان كەيىن جەتتى. وقيعا ورنىنا كەلگەن ولار ءورت تۋرالى حاباردىڭ كەش كەلگەنىن تۇسىنگەن - "ادەم" ساۋدا ءۇيىنىڭ عيماراتىندا وتە جوعارى تەمپەراتۋرا بولدى (270 گرادۋس) جانە زيان ءارى ۋلى گاز شىقتى. سونىمەن قاتار، اۆتوماتتاندىرىلعان ءورت ءسوندىرۋ دابىلىنىڭ ىستەن شىققانى، ال سىرتقى ورتكە قارسى سۋمەن جابدىقتاۋ جۇيەسىندە سۋ بولماعانى انىقتالدى"، - دەدى ءورت سوندىرۋشىلەر.
سونىمەن قاتار، ولاردىڭ ايتۋىنشا، ءورتتى سوندىرۋگە ساۋدا ۇيىندەگى بۋتيكتەردىڭ تەز جاناتىن جانە ۋىتتى ماتەريالدان جاسالعانى كەدەرگى بولعان. عيمارات ءىشى قايتا قۇرىلىمدالعان، عيماراتتا كوپتەگەن تاۋار مەن مانەكەن بولدى، ولار ءورت كەزىندە ۋلى گاز شىعاردى. "ادەم" ساۋدا ۇيىندە گاز باللوندارى ساقتالعان، ولار ءورت شالعان كەزدە جارىلا باستادى. ءورتتىڭ كۇشەيۋىنە كۇشتى جەل ىقپال ەتتى. "قازگيدرومەت" رەسپۋبليكالىق مەملەكەتتىك كاسىپورنىنىڭ مالىمەتىنشە، ءورت شالعان اۋماقتاعى جەلدىڭ جىلدامدىعى سەكۋندىنا 2،7 مەترگە جەتتى.
ءورت 06.35-تە لوكاليزاسيالاندى. ءورتتى سوندىرۋگە الماتى قالالىق ءتجد-نىڭ جەكە قۇرامىنىڭ 156 ادامى، نەگىزگى ءورت ءسوندىرۋ تەحنيكاسىنىڭ 25 داناسى جانە ارنايى تەحنيكانىڭ 16 داناسى، سونىمەن قاتار، الماتى ءىىد-نىڭ جەكە قۇرامىنىڭ 380 ادامى ، 34 دانا تەحنيكاسى، №5571 اسكەري ءبولىمىنىڭ 200 اسكەريى جانە 10 دانا تەحنيكاسى، "حولدينگ الماتى سۋ" مەملەكەتتىك كوممۋنالدىق شارۋاشىلىعىنىڭ سۋ تاسىعىش ەكى ماشيناسى، الماتى قمش-نىڭ ەكى ادامى جانە 1 بريگاداسى جۇمىلدىرىلدى.
الماتى تجد باسپا ءسوز قىزمەتىندەگىلەردىڭ ايتۋىنشا، 2012 جىلى تج مامانى "ادەم" ساۋدا ورتالىعىندا ءورت ءسوندىرۋ قاۋىپسىزدىگى تالابىنىڭ 11 رەت بۇزىلعان دەرەگىن انىقتاعان، سول ۋاقىتتا ساۋدا ورتالىعىنا 45 مىڭ تەڭگە ايىپپۇل سالىندى. ۆەدومستۆو ساۋدا ءۇيىنىڭ قىزمەت كورسەتۋىن توقتاتۋ ءۇشىن ونىڭ ۇستىنەن سوتقا ارىز بەرگەن، ارىز قابىلدانعان. 2013 جىلى باقىلاۋ تەكسەرىسىندە ماماندار بۇل ەرەجە بۇزۋشىلىقتاردىڭ جويىلعانىن انىقتادى. 2014 جىلى شاعىن جانە ورتا بيزنەستى تەكسەرۋگە موراتوريي جاريالانعاندىقتان، "ادەم" ساۋدا ورتالىعى تەكسەرىلمەگەن بولىپ شىقتى. ونىڭ تەكسەرىسىنىڭ وسى جىلدىڭ ەكىنشى جارتىسىنا جوسپارلانعانى ايتىلدى.
قازىرگى ۋاقىتتا كەلگەن شىعىن ەسەپتەلىپ، ءورتتىڭ نەدەن شىققانى انىقتالىپ جاتىر.
ەسكە سالا كەتەيىك، 26 ساۋىردە الماتى قالاسىنداعى "ادەم" ساۋدا ۇيىندە كەشكى ۋاقىتتا ءورت شىققان بولاتىن. وقيعا ورنىندا ءورت سوندىرۋشىلەر جۇمىس ىستەر جاتىر. ءبىراق كۋاگەرلەر ءورت سوندىرۋشىلەردى ارەكەتسىزدىك تانىتتى دەپ ايىپتاپ وتىر.
