بريتاندىق ۆۆس اگەنتتىگى

"قازاق سايلاۋى كوشباسشى پايداسىنا شەشىلدى"

قازاق پرەزيدەنتى نۇرسۇلتان نازاربايەۆ ەلدە كەڭىنەن كۇتىلگەن، مەرزىمىنەن بۇرىن وتكىزىلگەن سايلاۋدا 97،7 پايىزبەن جەڭىسكە جەتتى. ەلدىڭ وسك داۋىس بەرۋشىلەردىڭ رەكوردتىق ناتيجەسى 95،11 پايىز بولىپ، بەلسەندىلىك كورسەتكىشى ارتتى دەپ مالىمدەدى.

74 جاستاعى نازاربايەۆ مىرزا وسىمەن بەسىنشى رەت قاتارىنان جەڭىسكە جەتىپ وتىر. سايلاۋدا نازاربايەۆ مىرزانىڭ جەڭىسكە جەتىنىنە ەشقانداي كۇمان بولماعان.

پرەزيدەنت نازاربايەۆ ورتالىق ازياداعى مۇنايعا باي ەلدىڭ تۇرعىندارىنا ەكونوميكالىق جانە الەۋمەتتىك تۇراقتىلىقتى ۋادە ەتتى. ال ونىڭ ەكى قارسىلاسى ەش قاۋقار تانىتا المادى. وسىلايشا نازاربايەۆ مىرزا ەش كەدەرگىسىز، سايلاۋدا جەڭىسكە جەتتى.

حالىقارالىق "Reuters" اگەنتتىگى

"تۇراقتىلىق" مانتراسى قازاق كوشباسشىسىن جاڭا مەرزىمگە سايلادى

پرەزيدەنت نازاربايەۆ ءوزىنىڭ 26 جىلدىق تاجىربيەسىندە ۇزدىكسىز جەڭىسكە جەتىپ كەلەدى. ول وسى جەكسەنبى كۇنى ءوزىنىڭ كەزەكتى جەڭىسىنە ەش كەدەرگىسىز جەتتى. ءتىپتى، ونىڭ قارسىلاستارى بولمادى دەۋگە بولادى. حالىقارالىق قۇقىق قورعاۋ ۇيىمدارى سايلاۋ بارىسىندا جىبەرىلگەن ورەسكەل قاتەلىكتەردى نازارعا الا وتىرىپ، ەلدەگى وپپازيسيانىڭ تۇنشىعىپ، جوققا اينالعانىن سىنعا العان.

ال قازاقستاندىقتاردىڭ وزدەرى ونى "كوشباسشى" دەپ ايتادى جانە مويىندايدى.

قازاقستاننىڭ ازاماتتىق اليانسىنىڭ تاپسىرىسى بويىنشا،  مەملەكەتتىك ەمەس "ەكزيت-پول" ۇيىمى سايلاۋ قورىتىندىسى بويىنشا نازاربايەۆ 97،5 پايىز جينادى دەپ حابارلاعانىمەن، ەلدەگى وسك ءوز ناتيجەلەرىن كەيىنىرەك مالىمدەيتىنىن جەتكىزگەن.

قازاقستانداعى سايلاۋ ەش توسىنسىيسىز ءوتتى جانە نازاربايەۆ ءوزىنىڭ فۋتۋريستىك استاناسىندا ەركىن مالىمدەمە جاسادى.

"مەنىڭ وتانداستارىم ەلدەگى تۇراقتىلىق ءۇشىن، ساياسي مەن جۇرگىزىپ وتىرعان ساياسي ۇستانىم ءۇشىن داۋىس بەرەتىنىنە سەنەمىن. مەنىڭ وتانداستارىم ماعان داۋىس بەرەدى دەپ ويلايمىن"،-دەدى نازاربايەۆ مىرزا.

نازاربايەۆ مىرزا ءوز كەزەگىندە كورشى رەسەي جانە قىتايمەن، اقش جانە ەو-پەن بەرىك بايلانىس ورناتقان.

ونىڭ قارسىلاستارى ەش قاۋقارسىز كوممۋنيستىك پارتيا مۇشەسى مەن ەكس-اكىم عانا.

حالىقارالىق "اljazeera" تەلەكومپانياسى

"قازاقستاننىڭ نازاربايەۆى سايلاۋدا تاعى جەڭدى"

ورتالىق ازيا ليدەرى ەشقانداي وپپازيسيانىڭ قاتىسىنسىز ايلاۋدا جەڭىپ شىقتى. ول وسك مالىمدەمەسىنەن بۇرىن-اق، 97،7 پايىز داۋىسقا يە بولعانىن ايتقان. ال ونىڭ قارسىلاستارى بيلىكتىڭ كولەڭكەسىندەگى ادامدار بولۋى مۇمكىن. 74 جاستاعى نازاربايەۆ مۇنايعا باي، ورتالىق ازياداعى الپاۋىت مەملەكەت قازاقستاندى 1989 جىلدان بەرى باسقارىپ كەلەدى. جالعان دەموكراتيالىق ەلدىڭ تۇرعىندارى اراسىندا جۇرگىزىلگەن ساۋالناما قورىتىندىسى قازاقستاندىقتاردىڭ باسىم كوپشىلىگى نازاربايەۆ مىرزانى قولدايتىندىقتارىن كورسەتتى. 17 ميلليون تۇرعىنى بار ەلدىڭ پرەزيدەنتىنىڭ رەسمي لاۋازىمى كوشباسشى. ول 200 ميلليارد دوللار تىكەلەي شەت ەلدەردەن ينۆيستيسيا تارتۋ ارقىلى قازاقستاندى پوست-كەڭەستىك ەلدەر اراسىنداعى ەكىنشى قۋاتتى مەملەكەتكە اينالدىردى. قازاق سايلاۋىندا كانديدات رەتىندە كورسەتىلگەن ەكى ازاماتتىڭ ءبىرى كوممۋنيست تۇرعىن سىزدىقوۆ-68 جاستا بولسا، ەكىنشىسى ءابىلعازى قۇسايىنوۆ-63 جاستا.

ۇلىبريتانيالىق "Theguardian" باسىلىمى

"قازاقستانداعى سايلاۋ نازاربايەۆتىڭ تاق مۇراگەرى تۋرالى سۇراقتى كەيىنگە شەگەردى"

74 جاستاعى پرەزيدەن ءوزىنىڭ ماڭگى ورنىنا قايتا وتىردى.

مىڭداعان ستۋدەنتتەر، سپورتسمەندەر، ونەر جۇلدىزدارى، قالجىراعان ارداگەرلەر، جۇيكەلەرى جۇقارعان مۇعالىمدەرمەن بىرگە بارشا قازاقستاندىقتار قولدارىنا جالاۋشا ۇستاپ، ءوز ليدەرلەرىن قولدادى.

قازاقستان 1991 جىلى تاۋەلسىزدىك العالى بەرى پرەزيدەنت لاۋازىمىنان تۇسپەي كەلە جاتقان نازاربايەۆ ۇلكەن مىنبەردە وزىنە ايتىلعان اق تىلەكتەرگە ماسايىپ تۇردى. قازاق كوشباسشىسى نازاربايەۆ - 8 ميلليون ايەل عاشىق بولعان كەڭ جۇرەكتى، فيلوسوف، تەڭدەسسىز ساياساتكەر، بار قازاقتىڭ ۇستازى. ول ادەتتەگىدەي ەش كەدەرگىسىز وتكەن سايلاۋدا جەڭىسكە جەتتى.

رەسەيلىك "روسسيا24" ارناسى

"قازاقستانداعى مەرزىمىنەن بۇرىن وتكىزىلگەن سايلاۋ جەڭىمپازى - نازاربايەۆ"

قازاقستاندا وتكىزىلگەن مەرزىمىنەن بۇرىن سايلاۋدا ءپۋتيننىڭ ەڭ ماڭىزدى قولداۋشىسى، قازاق كوشباسشى نازاربايەۆ جەڭىسكە جەتتى. الدىن الا شىعارىلعان قورىتىندى بويىنشا ول سايلاۋشىلاردىڭ 97،7 پايىز داۋىسىنا يە بولعان.

اعىلشىن تىلىنەن اۋدارعان نۇرگەلدى ءابدىعاني ۇلى

سۋرەت: aljazeera.com