2015 جىلدىڭ مامىر ايىنىڭ 3-7 ارالىعىندا الماتى – تالدىقورعان – اياگوز – اقجار مارشرۋتتارى بويىنشا قازاق حاندىعىنىڭ قۇرىلۋىنىڭ 550 جىلدىعىنا ارنالعان «بىرلىگى مىقتى ەل وزادى» اتتى شەرۋى وتكىزىلەدى. بۇل تۋرالى بۇگىن استانادا وتكەن باسپا ءسوز ءماسليحاتىندا تالقىلاندى. ءتورت كۇننىڭ ارالىعىندا، الماتىدان باستاۋ الاتىن شەرۋ، تۋ ۇستاپ ەل قورعاعان ەر داۋلەتباي باتىرعا شىعىس قازاقستان وبلىسى، تارباعاتاي اۋدانىنىڭ ورتالىعى اقجار سەلوسىندا ەسكەرتكىش تۇرعىزۋمەن قورىتىندىلانباق. مادەني، رۋحاني ماڭىزى بار ءىس – شاراعا رەسپۋبليكالىق قازاق حاندىعىنىڭ 550 جىلدىعىن وتكىزۋگە ارنالعان مەملەكەتتىك كوميسسيانىڭ مۇشەلەرى، تانىمال تاريحشىلار جانە شەرۋدى ۇيىمداستىرۋشىلار قاتىسادى.

شارانىڭ باستى ۇيىمداستىرۋشىسى، «ۇلى دالا قىراندارى» رەسپۋبليكالىق قوعامدىق الەۋمەتتىك-مادەني قوزعالىسىنىڭ تەڭ ءتوراعالارى سادىبەك تۇگەل مەن مارات نابييەۆ. سونىمەن قاتار، ەر-داۋلەتباي ەسكەرتكىشىن سالۋ يدەياسىنىڭ اۆتورى، «تۋ ۇستاپ ەل قورعاعان ەر-داۋلەتباي» قايىرىمدىلىق قورى، شقو تارباعاتاي اۋدانىنىڭ اكىمشىلىگى مەن «ەل بىرلىگى» وداعى تاريحي ءساتتى قولداۋشىلاردىڭ قاتارىندا.

سادىبەك تۇگەل، «ۇلى دالا قىراندارى» رەسپۋبليكالىق قوعامدىق الەۋمەتتىك-مادەني قوزعالىسىنىڭ ءتوراعاسى: ەلباسىنىڭ قازاق حاندىعىنىڭ 550 جىلدىعىن وتكىزۋ تۋرالى باستاماسىن تولىعىمەن قولدايمىز. ءبىزدىڭ ويىمىزشا، 550 جىلدىقتى تويلاۋ ۇلتتىق تاريحتى باعالاۋعا ۇلكەن سەرپىلىس تۋعىزادى. بۇل باعىتتا ءبىز رەسپۋبليكالىق قازاق حاندىعىنىڭ 550 جىلدىعىن وتكىزۋگە ارنالعان مەملەكەتتىك كوميسسيامەن بىرگە جۇمىس ىستەيمىز. وسىنىڭ اياسىندا بۇل شەرۋ وتكىزىلىپ وتىرعان شارالاردىڭ العاشقىسى. ماقساتى ۇلتتىق تاريحىمىزدى بايانداۋ. شەرۋ الداعى ۋاكىتتا جالعاسىن تابادى.

سونىمەن، ەر داۋلەتباي باتىردىڭ ەسكەرتكىشىن تارباعاتاي تورىنە ورناتۋشىلار، مامىردىڭ ءۇشىنشى جۇلدىزىندا الماتىدان الىس جولعا اتتانباق. ءتورت كۇندىك شەرۋدىڭ اياق الىسى مەن تىنىس تىرشىلىگىنەن وقىرماندارىمىزدى الداعى ۋاقىتتا حاباردار ەتىپ وتىرامىز.