وسى  ۋاقىتقا  دەيىن  ەلورادامىز استانا  قالاسىنىڭ  اتاۋىن  ساتانا  سوزىمەن،  ياعني  سايتانشىلىقپەن   بايلانىستىراتىن  ءتۇرلى  داقپىرت  اڭگىمەلەردىڭ  ايتىلىپ جۇرگەنى  وتىرىك  ەمەس. ەندى  مىنە،  شەتەلدىكتەردىڭ قۇلاعىنا تيگەن  استانا-ساتانا تىركەسى   وزىمىزگە  قارسى  قارۋ  رەتىندە جۇمسالىپ،  رەسەيلىكتەر  باس قالامىزدى  مازاققا اينالدىرىپتى. 

قازاندىق  ۋنيكس باسكەتبول  كلۋبى  «استانا»  ءسوزىن  اقپاراتتىق  افيشادا  ساتانا  دەپ  جازىپتى.    بۇل افيشادا  رەسەيلىك  جانكۇيەرلەردى  «ساتانادان  دا ارتىق  قولداۋ كورسەتىڭدەر!» دەپ،  «استانا»  كومانداسىنىڭ   رۋحىن ءتۇسىرۋ ءۇشىن  وسىنداي  قيتۇرقى ارەكەتكە  بارعان.  جىندىنىڭ  ساندىراعى  كەلەدى  دەگەندەي،  بۇل  جارىستا استانالىقتار  62: 80  ەسەبىمەن ويسىراي  ۇتىلىپ  قايتتى.      

الايدا ۋنيكس كلۋبى ايتارىن  ايتىپ  الىپ:   «ءبىزدىڭ كلۋب قوناقتاردان   قاتە جازىلعانى  ءۇشىن  كەشىرىم سۇرايدى.  ارينە، ەكى  جولدىق «تاقپاقتا»  نامىسقا تيەتىن  ەش نارسە جوق.  دەگەنمەن،  ءبىر سوزدەن كاتە كەتىپتى»، - دەپ  كەشىرىم  سۇراپ ءمۇلايىمسيدى.

  P.S.:  كەڭەس  ۇكىمەتى  تۇسىندا بەدەلدى  ءبىر  باسىلىم  ۇلى  ستالين  دەگەندى    «ۋلى ستالين»  دەپ  جازعانى  ءۇشىن  رەداكسيا  «تۇپ-تۇقيانىمەن»  قۋدالانعان كورىنەدى.  ال مىناۋ  ءبىر مۇرتتىڭ ەمەس،  بۇكىل  جۇرتتىڭ  نامىسىنا  تيەتىن  ءسوز  عوي.  سوندىقتان،  مۇنداي ساندىراققا  قانداي  جازا  لايىق؟

  دەرەككوز  Tengrinews.kz