اقمولا وبلىسىنىڭ ارشالى اۋدانىنداعى ۆياچەسلاۆ مەكتەبىندە قۋات كوزدەرىنىڭ تيىمدىلىگىن ەنگىزۋ نەگىزدەرىنىڭ ءبىرى رەتىندە  «جاسىل تەحنولوگيالار» ءىس جۇزىندە جۇزەگە اسىرىلۋدا. مەكتەپ ىرگەسىندە جەر تەلىمى، تامشىلاتىپ سۋارىلاتىن تەحنولوگيالى جىلىجاي،  سۋ جىلىتاتىن كۇن باتەرەيالارى، عيماراتتى جىلىتۋعا ارنالعان پيروليزدىك پەش، جارىق ديودتى جارىقتاندىرۋ جانە تاعىسىن-تاعىلار بار. ال ەندى وزدەرىنىڭ «ەكسپو ب ا ق» الما باعى پايدا بولدى... «الدىمىزدا تۇرعان «ەكسپو-2017» كورمەسىنىڭ ەڭ باستى تاپسىرمالارىنىڭ ءبىرى - بولاشاق ەنەرگياسى ەكەنىن ءبىز بىلەمىز. ال بۇل دەگەنىڭىز العاشقى كەزەكتە ارينە، اۋانى تازارتۋ، كليماتتى وزگەرتۋ جانە ت.ب.، ياعني ۆياچەسلاۆ مەكتەبىنىڭ جۇزەگە اسىرىپ جاتقاندارى. بۇل جەردە ەڭ وزىق تەحنولوگيالار، سونىڭ ىشىندە، ادامداردىڭ تۇرمىسىنا تىكەلەي بايلانىستى ەكو-تەحنولوگيالار دا بار» - دەپ باقتى وتىرعىزۋ جەرىن تاڭداۋ سەبەبىن ءتۇسىندىردى «استانا ەكسپو-2017» ۇلتتىق كومپانياسىنىڭ باسقارۋشى ديرەكتورى سالتانات راحىمبەكوۆا. ءوز الما اعاشىن وتىرعىزۋعا كەلگەن قوناقتاردىڭ اراسىندا تىل ەڭبەكشىلەرى، ارشالى اۋدانىنىڭ قۇرمەتتى ازاماتتارى، ۇلىبريتانيانىڭ قازاقستانداعى ەلشىلىگىنەن كەلگەن قوناقتار، پارلامەنت دەپۋتاتتارى، ارشالى اۋدانىنىڭ اكىمشىلىگى، اسكەري ادامدار جانە ت.ب. «جالپى العاندا، ۇلى جەڭىستىڭ 70 جىلدىعى قۇرمەتىنە 70 الما اعاشى وتىرعىزىلدى. كەلەشەككە EXPO-2017 كورمەسىنەن ەرەكشە مۇرا رەتىندە ءار كوشەتكە بىر-بىردەن باستاۋىش سىنىپ وقۋشىسىن – اعاشتىڭ كىشكەنتاي قورعاۋشىسىن بەكىتىپ قويدىق»، - دەدى مەكتەپ ديرەكتورى تاتيانا نەمسان. وقۋشىلاردىڭ سوزدەرىنە قاراعاندا، بۇل ب ا ق تا مەكتەپتەگى باسقا كوشەتتەر ءتارىزدى تامشىلاتىپ سۋلاۋ تەحنولوگياسىمەن سۋارىلاتىن بولادى. «ءبىز جاسىل ەونوميكانى ۇناتامىز جانە تاجريبەگە جەتى وزىق تەحنولوگيا ەنگىزىپ ۇلگەردىك. جاقىندا جەر قۇرىلىمىن ناشارلاتپاستان قاجەت تەرەڭدىكتە، ءبىرقالىپتى ىلعالداندىرىپ، ءار-تۇرلى سۋارۋ مولشەرلەرىن ءبىرشاما ءدال ۇستاۋعا مۇمكىندىك بەرەتىن جاۋىن قوندىرماسىن پايدالانۋدى باستادىق. كىم بىلەدى، بالكي كورمەنىڭ اشىلۋىنا قاراي بۇل جاس كوشەتتەردىڭ الماسىنىڭ ءدامىن دە تاتارمىز»، - دەيدى تامشىلاتىپ سۋارۋ قولدانىلاتىن جەرتولەلىك گيدروپوندىق فيتوديودتىق جىلىجاي جوباسىنىڭ اۆتورى تاڭات اسپانعالييەۆ. شارا سوڭىندا مەرەكەلىك كونسەرت قويىلدى، ىستىق باۋىرساقتارمەن قىر داستارقانى جايىلدى، جەڭىستىڭ 70 جىلدىعى قۇرمەتىنە بىرنەشە دۇركىن اۋەگە وق اتىلىلدى جانە ۆياچەسلاۆ مەكتەبىنىڭ وقۋشىلارىنا «ەكسپو باعىنىڭ ساقتاۋشى» سەرتيفيكاتى سالتاناتتى تۇردە تابىس ەتىلدى. ۇيىمداستىرۋشىلارى: «استانا ەكسپو-2017» ۇلتتىق كومپانياسى، «جاسىل ەكونوميكانى» قولداۋ جانە G-Global-دى دامىتۋ كواليسياسى، ۇلىبريتانيانىڭ قازاقستانداعى ەلشىلىگى، G-GLOBAL حالىقارالىق حاتشىلىعى، «اقبوتا» قوعامدىق قورى جانە «تۇراقتى دامۋ» جەر قورى.