جامبىل وبلىسى قورداي ءاىىب پوليسياسىنىڭ ۋچاسكەلىك ينسپەكتورى ۆلاديسلاۆ كرىجكونىڭ وز-وزىنە قول جۇمساۋ فاكتىسى بويىنشا قىلمىستىق ءىس قوزعالدى، دەپ حابارلادى وبلىستىڭ ءىىد باسپا ءسوز قىزمەتىنىڭ باسشىسى گۇلسارا مۇحتارقۇلوۆا.

«پوليسيا مايورى ۆلاديسلاۆ كرىجكونىڭ وز-وزىنە قول جۇمساۋ فاكتىسى بويىنشا قىلمىستىق ءىس قوزعالدى، تەرگەۋ جۇمىستارى جۇرگىزىلىپ جاتىر. قازىرگى تاڭدا قىلمىستىق ءىس وبلىستىڭ ءىىد تەرگەۋ باسقارماسىنىڭ وندىرىسىنە قابىلداندى. وقيعانىڭ سەبەپتەرىن  انىقتاۋ ءۇشىن قورداي اۋدانىنا وبلىستىق ىشكى ىستەر دەپارتامەنتىنىڭ جەدەل-تەرگەۋ توبى جىبەرىلگەن»، – دەدى مۇحتارقۇلوۆا سارسەنبىدە اگەنتتىككە.

بۇل رەتتە، ونىڭ ايتۋىنشا، تولىق اقپار تەرگەۋ اياقتالعاننان كەيىن عانا بەرىلەدى.

سونىمەن قاتار، جاقىندا مارقۇمنىڭ ايەلى ەلەنا كرىجكو YouTube بەينەحوستينگىندە قازاقستان پرەزيدەنتى نۇرسۇلتان نازاربايەۆتىڭ جولداسىنىڭ قازاسىنا بايلانىستى تەرگەۋ جۇمىستارىنا ىقپال ەتۋىن سۇراعان.

«پرەزيدەنت نۇرسۇلتان ءابىش ۇلى نازاربايەۆتان وسىنداي زاڭسىزدىق ورىن الىپ وتىرعان بايمۇحامبەتوۆ (ءاىىب باستىعى باحىت بايمۇحامبەتوۆ –قازتاگ) جانە ونىڭ ورىنباسارى جايلاۋبايەۆ (باستىقتىڭ ورىنباسارى مۇحتار جايلاۋبايەۆ – قازتاگ) باسقارىپ وتىرعان قورداي اىىب-نە ءادىل تەكسەرۋ جۇرگىزۋ مەن كىنالىلەردىڭ جازاسىن بەرۋگە ىقپال ەتۋىڭىزدى سۇرايمىن»، – دەلىنگەن كرىجكونىڭ بەينە وتىنىشىندە.

مارقۇمنىڭ جولداسى حابارلاعانداي، ينسپەكتور 2015 جىلدىڭ 28 ساۋىرىندە اعاشقا اسىلىپ تۇرعان جەرىندە تابىلعان.