بۇگىن رەسەي فەدەراسياسى پرەزيدەنتى ۆ. پۋتين ق ر پرەمەر-مينيسترىنىڭ ءبىرىنشى ورىنباسارى بەردىبەك ساپاربايەۆتى "دوستىق" وردەنىمەن ماراپاتتادى.

رف پرەزيدەنتى بۇگىن رف مەن اراداعى دوستىقتى نىعايتۋعا قوسقان ەلەۋلى ەڭبەگى، ەكونوميكالىق جانە مادەني بايلانىستاردى ارتتىرۋداعى اتقارعان جۇمىستارى ءۇشىن ءبىرقاتار شەت ەلدىك ساياساتكەرلەردى، جۋرناليستەر مەن قوعام قايراتكەرلەرى ماراپاتتاۋ تۋرالى شەشىم شىعاردى، دەپ حابارلايدى "روسسييسكايا گازەتا" باسىلىمى.

"دوستىق" وردەنى مەن "پۋشكين" مەدالى 10 ەلدىڭ ازاماتتارىنا بەرىلگەن: قازاقستان، فرانسيا، بەلورۋسيا، يران، رۋمىنيا، ءازىربايجان، بولگاريا، سلوۆەنيا، لاتۆيا جانە وزبەكستان.

رف پرەزيدەنتى جارلىعىمەن "دوستىق" وردەنى ق ر پرەمەر-مينيسترىنىڭ ورىنباسارى بەردىبەك ساپاربايەۆقا، "مادەنيەت ارقىلى بەيبىتشىلىككە" اسسوساسياسىنىڭ پرەزيدەنتى تولەگەن مۇحامەدجانوۆقا،سليەۆەنسك قالاسىنىڭ مەرى ماريبور اندرەيگە، رۋمىنيا ارداگەرلەر بىرلەستىگىنىڭ ءتوراعاسى مارينا دراگنبعا جانە يران-رەسەي ساۋدا پالاتاسىنىڭ باسشىسى اسسدولۋ اسگاروليادي مىرزالارعا تابىس ەتىلدى.

شقو ەكس-اكىمى بەردىبەك ماشبەك ۇلى 2010 جىلى شىعىس قازاقستان وبلىسى مەن التاي ايماعى اراسىندا ساۋدا-ەكونوميكالىق، عىلىمي-تەحنيكالىق  بايلانىستاردى ارتتىرۋعا ۇلكەن ۇلەس قوسقان بولاتىن. سودان بەرى ايماقتار ءوزارا ساۋدا، ەكونوميكالىق، يننوۆاسيالىق، اۋىل شارۋاشىلىق، تابيعي رەسۋرستار، مادەنيەت جانە سپورت سالاسىندا ىنتىماقتاسىپ كەلەدى.

قازاقستان التاي ايماعى بويىنشا ەڭ ءىرى ينۆەستور بولىپ تابىلادى. تەك 2014 جىلى ەكى ايماق اراسىنداعى ساۋدا اينالىمى 463 ميلليون اقش دولارىن قۇراعان.

نۇرزات توعجان