الدانىش رامازان قىزى  1945 جىلى باي-ولكە ايماعىنىڭ ورتالىعى ولگەي قالاسىندا دۇنيەگە كەلگەن. دۇنيەجۇزىندەگى قازاق قىزدارىنىڭ اراسىنان وليمپيادا ويىندارىنا قاتىسقان تۇڭعىش سپورتشى.

ول 1960 جىلى  تاجىريبەلى باپكەر يۆانوۆتىڭ جەكە باقىلاۋىندا كاسىبي جاتتىعۋدى باستايدى.

1961 جىلى بۇكىلحالىقتىق سپارتاكياداعا 200 مەترلىك جۇگىرۋدەن ايەلدەر اراسىنداعى رەكوردتى جاڭالايدى. ناتيجە: 25،6 سەكۋند. بۇرىنعىسى – 27،3.

ءبىر اي وتكەننەن كەيىن الدانىش رامازان قىزى 400 مەتردى 58،8 سەكۋندتە، 800 مەتردى  2.20،7 سەكۋندتە  جۇگىرىپ  ءوتىپ، تاعى دا رەكورد جاڭارتتى.

ناقتىراق ايتقاندا، 1961 مەن 1971 جىلدار ارالىعىندا الدانىش رامازان قىزىنىڭ  الدىنا تۇسكەن ادام بالاسى بولماپتى. سپورتسۇيەر قاۋىم الدانىش رامازانقىزىن «جەڭىل اتلەتيكانىڭ حانشايىمى» اتاعان.

1964 جىلى توكيو قالاسىندا وتكەن الەمنىڭ 93 ەلىنەن 5140 سپورتشى قاتىسقان  جازعى وليمپيادا ويىندارىنا قاتىسقان. ونىڭ 681ء-ى ايەل زاتى. بۇل – الەمدىك وليمپيادا تاريحىندا ازيا قۇرلىعىندا ءوتىپ وتىرعان تۇڭعىش دودا. بۇل دوداعا قاتىسۋ بارىسىندا الدانىش رامازانقىزىن وليمپياداعا دايىنداۋ كەزىندە كەڭەس ەلىنەن ارنايى باپكەر شاقىرىلادى.

بۇگىنگى تاڭدا الدانىش رامازان قىزى ۇلان-باتىر قالاسىندا ءومىر ءسۇرىپ جاتىر. قاتارداعى ورتا مەكتەپتىڭ بىرىندە ۇستاز. موڭعولدىڭ سپورت تاريحىندا تۇڭعىش «سپورت شەبەرى» اتاعىن العان ايەل زاتى رەتىندە تىركەلسە، تاعدىر وعان قازاق حالقىنىڭ اراسىنان «وليمپياداعا قاتىسقان العاشقى قازاق قىزى» دەگەن اتتى سىيلاپتى.