1916 - 1937 جىلدار ارالىعىندا سوۆەت ۇكىمەتى قولىنان 4 ميلليونعا جۋىق قازاق قىرىلدى. 1941 – 1945 جىلدارعى سوعىستا 400 مىڭداي قازاقستاندىق قۇربان بولدى. قۋعىن سۇرگىن قۇرباندارى مەن اشارشلىق قۇرباندارىنىڭ سانى سوعىس شىعىنىنان 10 ەسە كوپ. ءبىراق، سوعان قاراماستان اشارشىلىق پەن قۋعىن سۇرگىن قۇرباندارىن ەسكە الۋشىلار كوپ ەمەس. ونىڭ ءبىرىنشى سەبەپى 70 جىلدىق كەكەڭسىك يدەولوگيانىڭ «ۇلى وتان» دەگەن ۇعىم توڭىرەگىندە ۇيىتىپ، ءوز قولدارىمەن وپات بولعانداردى ۇمىتتىرۋعا تىرىسقانىنىڭ ناتيجەسى بولسا، ەكىنشىدەن ەكىنشى دۇنيەجۇزىلىك سوعىستا قازا بولعانداردىڭ ارتىندا جوعىن جوقتايتىن ۇرپاقتارى قالعان ەدى. ال، اشاشرشىلىق پەن قۋعىن سۇرگىن قۇرباندارىنىڭ باسىم ءبولىمنىڭ ارتىندا وزىنەن تۋعان ۇرپاعى قالماعان ەدى.
تۇردىبەك قۇرمەتحان
