بۇگىن ق ر ءبىلىم جانە عىلىم ءمينسترى اسلان ءسارىنجىپوۆ ءوزىنىڭ Facebook-تاعى رەسمي پاراقشاسىنا: "اۋلداعى اتامىز 100 جىلعا تولدى. ۇستاز، مەكتەپتىن ديرەكتورى بولعان" دەگەن جازبا جاريالادى. قازاق ەلىنىڭ باس ءمۇعالىمى اسىلان مىرزانىڭ بۇل جازعانىن ءبىرىنشى سىنىپتىڭ بالاسى بولماسا، بىلايعى جۇرت تۇسىنبەي الەك. اسلان مىرزا اينالدىرعان ءبىر سويلەمدە 3 قاتە جىبەرگەن.
ءدال وسى جازبا جايلى سەرىك ابباس-شاح Facebook پاراقشاسىنا بىلاي دەپ جازبا جازدى:
"اسلان ءسارينجيپوۆتىڭ جازباسىنان: "اۋلداعى اتامىز 100 جىلعا تولدى. ۇستاز، مەكتەپتىن ديرەكتورى بولعان". اۋىل شوپىرى تۇزەتكەنسىماق بولادى: ا) "اۋل" ەمەس، "اۋىل"
ب) "100 جىلعا" ەمەس، "100 جاسقا" تولعان شىعار؟ ۆ) "مەكتەپتىن" ەمەس، "مەكتەپتىڭ" شىعار؟
اۋىل شوپىرىنىڭ ءپالسافالىق سۇراعى:
ءبىلىم ءمينيسترىنىڭ مەملەكەتتىك تىلدەگى جازبا سيقى وسى بولسا، باسقا مۇعالىمدەرگە نە وكپە؟
اۋىل شوپىرىنىڭ پالسافالىق جاۋابى:
جەمقور شەنەۋنىكتەر جەمقورلىقپەن كۇرەسىپ، قۇقىق قورعاۋ قىزمەتكەرلەرى قىلمىس جاساپ جاساپ جاتقاندا، "دۆوەچنيك" نەگە مينيستر بولا المايدى؟
ەسكەرتۋ: اسلاندى بۇرىن رەسمي ءتىلدى بولعان، ءالى ۇيرەنە الماي جاتىر دەپ اقتاۋعا بولاتىن شىعار؟ ءبىراق، ونىڭ ءبىلىم جانە عىلىم ءمينيسترى ەكەنىن ۇمىتپايىق. ول ەڭ الدىمەن مەملەكەتتىك تىلدە ساۋاتتى بولۋ كەرەك. ەگەر زاڭنان حابارسىز ادام يۋستيسيا ءمينيسترى بولىپ تاعايىندالسا، قۇداي قالاسا، بىرتە بىرتە ۇيرەنىپ الار دەپ جۋىپ-شايا سالمايتىن شىعارمىز؟"
سۇلتان تايعارين، Facebook قولدانۋشىسى:
"قۇرمەتتى مينيستر مىرزا، ءسىز قاتە جازساڭىز باسقالارعا نە جورىق؟! اتاڭىز بۇل جازباڭىزدى وقىسا، سىزگە 5 دەگەن باعا قويادى دەپ ويلامايمىن."
