قازاقستاندا بىر-بىرىمەن جولدارى مۇلدە توعىسپايتىن ەكى ساناتتاعى ادامدار بار ەكەنىن بىلەتىن بولارسىز. بايلار مەن كەدەيلەردى مەڭزەپ وتىرمىن. ەكى ساناتتاعىلار ەكى بولەك الەمدە ءومىر سۇرەتىندەر. بايلار بايىعان ۇستىنە بايىپ، كەدەيلەردىڭ جاعدايى تۇراقتى بولىپ تۇراتىن، كادىمگى ءبىزدىڭ كۇندەلىكتى ءومىرىمىز. ءجا، اڭگىمە نەگىزى - باسقادا.
مەن قالتالىلاردىڭ قالتاسىنداعى قاراجاتتى قىزعانىپ نەمەسە كەدەيلەردى مۇسىركەيىن دەپ وتىرعان جوقپىن. جاقىندا مىناداي ەكى اقپاراتتى كوزىم شالىپ قالدى.
سونىڭ ءبىرىنشىسى:
Forbes.kz باسىلىمى قازاقستاننىڭ ەڭ باي 50 ادامىنىڭ ءتىزىمىن جاريالاعان بولاتىن. بۇل الەۋەتتىك جەلىلەردە قىزۋ تالقىعا تۇسكەن سوڭ، "قامشى" پورتالى قازاقستاندىق ميلليونەرلەر مەن ميللياردەرلەردىڭ بار بايلىعىن ەسەپتەپ كوردى.
سونىمەن، جەكە قورىندا ميلليارد دوللاردان استام قاراجاتى بار العاشقى بەستىككە تومەندەگى كىسىلەر (بايباتشالار) كىرەدى ەكەن:
- بولات وتەمۇراتوۆ - 2 600 000 000 دوللار،
- ءادىلجان يبراگيموۆ - 2 200 000 000 دوللار،
- تيمۋر قۇلىبايەۆ - 2 100 000 000 دوللار،
- دينارا قۇلىبايەۆا - 2 100 000 000 دوللار،
- ۆلاديمير كيم - 1 800 000 000 دوللار.
ال "فوربەس" جاريالاعان قازاقستانداعى ەڭ باي 50 ادامنىڭ دوللارىن پاراقتاپ كورىپ ەك، 25 519 000 000 بولدى.
ەكىنشى دەرەك:
قازاقستاننىڭ رەسمي ستاتيستيكاسىندا بىلتىرعى مەن بيىلعى جىلدىڭ وزىندە 96 مىڭ جەتىم بالا انىقتالعان. ارينە، جەتىمدەر ءۇيىن، ينتەرناتتاردى پانالاپ جۇرگەن بۇلدىرشىندەردى مەملەكەت قامقورلىعىنا العان.
مىنا دەرەككە نازار سالىڭىز. وسى ۋاقىتقا دەيىن 8 مىڭنان استام قازاق بالاسى شەتەلگە ساتىلىپ كەتكەن. ولار قازاقستاندى ساتىپ كەتكەن جوق. ولاردى قازاقستان ساتىپ جىبەردى.
ەندى كەلەسى دەرەك. قازاقستاندا جىلىنا ءار جەتىم بالاعا مەملەكەت بيۋدجەتىنەن 1 ميلليون تەڭگە بولىنەدى. ياعني، جەتىم بالالاردى اسىراۋ ءۇشىن، ولاردىڭ كەرەك-جاراقتارى ءۇشىن جىل سايىن 96 ميلليون تەڭگە قارجى جۇمسالادى دەگەن ءسوز.
ءبىرىنشى جانە ەكىنشى دەرەكتەردەن تۇيگەن وي:
قازاقستاندىق ميللياردەرلەر مەن ميلليونەرلەر قارجىلارىن قازىناعا ساپ، قازاقستاندىق جەتىم بالالاردى قامقورلىعىنا الاتىن بولسا، نە بولار ەدى؟
25 ملرد. 519 ملن. دوللارى بار بايمىرزالار 96 مىڭ جەتىم-جەتىمەكتىڭ 10 جىل بويعى تىرشىلىگىنە نە بارى 5 ملرد. 760 ملن. دوللاررى جۇمسالادى ەكەن. ياعني، ءبىزدىڭ ساۋساقپەن سانارلىق بايلارىمىزدىڭ قاراجاتى 100 مىڭعا جۋىق جەتىم بالانى 50 جىل بويى اسىراۋعا جەتەدى.
بۇلاردان وزگە، قازاقستاننىڭ سىرتقى قارىزى 157 ميلليارد دوللار دەگەن سۇمدىق اقپارات تاعى بار. قازاقستانداعى الەۋمەتتىك جاعدايى ورتادان تومەن وتباسىلار مەن جۇمىسسىزدار سانى قانشاما؟! باسپاناسىز جاس وتباسىلار شە؟
ال بايلاردىڭ اقشا ساناۋدان قولدارى تيمەي ءجۇر...
نۇرگەلدى ءابدىعاني ۇلى
