ماڭعىستاۋ وبلىسىنىڭ ساي-وتەس اۋىلىندا 8 جاسار قىز بالانىڭ قازا تاپقانىنان حابارلاعانبىز. بۇگىندە كىسى قولىنان كوز جۇمعان قىزدىڭ تۋىستارى قىلمىسكەرگە ءولىم جازاسىن بەرۋدى تالاپ ەتىپ وتىر. بۇل تۋرالى Lada.kz سايتىنا سىلتەمە جاساپ NUR.KZ حابارلايدى. عالامتورعا 8 جاسار قىزدى اياۋسىز زورلاپ ولتىرگەن قىلمىسكەر تۋرالى ۆيدەو شىقتى. ەر ادامدى قىزدىڭ دەنەسى تابىلعان سوڭ، ءبۇلدىرشىننىڭ تۋىستارى تاۋىپ الىپ، سوققىنىڭ استىنا العان. قىزدىڭ تۋىستارىنىڭ ايتۋىنشا، مۇنداي ايۋاندىققا بارعان ادامدى تەك ءولىم جازاسىنا كەسۋ كەرەك. «ءبىز ونىڭ بەلگىلى ۋاقىتقا سوتتالىپ، كەيىن جازاسىن وتەپ شىققانىن قالامايمىز. بۇل ادام ەمەس. ول ءومىر سۇرۋگە لايىق ەمەس. مۇنداي ادامدى ءتىرى قالدىرۋ ارقىلى ءبىز باسقا بالالاردىڭ ءومىرىن تاۋەكەلگە بايلايمىز»، – دەيدى قىزدىڭ تۋىستارى. Change.org سايتىندا قازاقستاندا ءولىم جازاسىن قولدانۋعا شاقىراتىن پەتيسيا جاريالاندى.