اقش پرەزيدەنتى دونالد ترامپ اقىرى ايتقانىن ىستەتە باستادى. ول ءوزىنىڭ سايلاۋالدى كامپانياسىندا اقش پەن مەكسيكا اراسىنداعى شەكاراعا قابىرعا تۇرعىزۋعا ۋادە بەرگەن. ەندى مىنە ترامپتىڭ جوباسى ىسكە اسا باستاعان سىڭايلى.

ارينە، اقش پرەزيدەنتىنىڭ جوباسى قاتتى قارسىلىققا ۇشىراعانى بەلگىلى. ويتكەنى وعان وراسان زور قارجى كەرەك.  ايتا كەتەر ءبىر جايت، اتالعان قابىرعا بيلل كلينتوننىڭ پرەزيدەنتتىك باسقارۋى تۇسىندا تۇرعىزىلا باستاعان. ءبىراق جوبا اياقتالماي قالعان. باراك وباما دا بۇل جورباعا سونشالىقتى ءمان بەرگەن جوق. الاي مۇنىڭ قانشالىقتى قاجەتى بار؟ دونالد ترامپ اكىمشىلىگىنىڭ ايتۋىنا قاراعاندا، اقش-قا بۇكىل ەسىرتكى مەن زاڭسىز ميگرانتتار شەكارا ارقىلى ەنۋدە. ونى توقتاتۋ ءۇشىن ەكى ەل اراسىندا شەكارا تۇرعىزىلۋى كەرەك. ءتىپتى بۇل جوبانى جۇزەگە اسىرۋعا كىشى دجوردج بۋشتىڭ ءوزى قول قويعان. ەندى بيلل كلينتون مەن باراك وباما  جۇزەگە اسىرا الماعان قابىرعانى  بىرتىندەپ ترامپ تۇرعىزىپ جاتىر. ءبىراق ول قاتتى قارسىلىققا تاپ بولدى.

ايتا كەتەر ءبىر جايت، وسى ۋاقىتقا دەيىن مەكسيكا مەن اقش شەكاراسى اراسىندا 1078 شاقىرىمعا قابىرعا تۇرعىزىلدى. ەندى ترامپ تاعى 1600 شاقىرىم جەرگە قابىرعا تۇرعىزۋدى كوزدەپ وتىر. ال وعان شاممەن 6 ميلليارد دوللارداي قارجى كەرەك. كەشە اتالعان جوبانى جۇزەگە اسىرۋعا بايلانىستى پەنتاگون 1 ميلليارد دوللار قارجى ءبولدى. ءدال وسى «مەكسيكا قابىرعاسىنا» بايلانىستى اق ءۇي مەن سەنات اراسىندا تەكەتىرەس ءورشىدى. سونىڭ سالدارىنان ءبىرقاتار مەملەكەتتىك مەكەمەلەرگە قارجى ءبولۋ توقتاتىلدى، ناقتى ايتقاندا شاتداۋن پايدا بولدى.

اقپان ايىنىڭ ورتاسىندا دونالد ترامپ قالىپتاسقان جاعدايعا قاتىستى شەكارالىق ەلدىمەكەندەردە توتەنشە جاعداي جاريالادى. ەندى ءتۇيىن ازداپ شەشىلە باستاعانداي.

ال پەنتاگون بولگەن 1 ميلليارد دوللار ازىرگە 91 شاقىرىمدىق  قابىرعا تۇرعىزۋعا، سونىمەن، قاتار سول ماڭايداعى ەلدىمەكەندەرگە جول سالىپ، كوشەلەردى جارىقتاندىرۋعا جۇمسالاتىن كورىنەدى.