Forbes جۋرنالىنىڭ رەسەيلىك رەداكسياسى الماتى ماڭىنداعى تانىمال شىمبۇلاق تاۋ-شاڭعى كۋرورتىن ۆيزاسىز بارىپ كوكتەمدە دەمالۋعا بولاتىن 10 تاۋ-شاڭعى كۋرورتتارىنىڭ تىزىمىنە قوستى، دەپ حابارلادى
BNews.kz. ءتىزىم قىستا تاۋلاردا شاڭعى تەۋىپ ۇلگەرمەگەندەر ءۇشىن جاسالعان. Forbes ۆيزاسىز كوكتەم بويى بارۋعا بولاتىن 10 كۋرورتتى تاڭدادى. ولاردىڭ قاتارىندا ساحكادزور (ارمەنيا)، كوپاونيك (سەربيا)، كيروۆسك (رەسەي)، سيليچي (بەلورۋس)، شىمبۇلاق (قازاقستان)، قاراكول (قىرعىزستان)، كولاشين (چەرنوگوريا)، دومباي (رەسەي)، پالاندوكەن (تۇركيا)، بۋكوۆەل (ۋكراينا) بار. جۋرنالدا شىمبۇلاقتىڭ شاڭعى تەبۋ ماۋسىمى ءساۋىر ايىنا دەيىن جالعاسادى دەلىنگەن. شىمبۇلاق كۋرورتى ءتۇرلى مارشرۋتتارىمەن ەرەكشەلەنەدى. وندا شاڭعى تەبۋدى ەندى ۇيرەنىپ كەلە جاتقاندارعا ارنالعان كىشىگىرىم تاۋلار، ينسترۋكتورلارى بار بالالار پاركى، تاجىريبەلى شاڭعى تەبۋشىلەرگە ارنالعان ۇزىن تراسسالار، ساياحاتشىلارعا ارنالعان قىزىقتى مارشرۋتتار بار. شىمبۇلاقتا سنوۋبوردپەن اينالىساتىندارعا دا جاعداي جاسالعان. ەڭ ۇزىن تراسسانىڭ ۇزىندىعى - 3،6 شاقىرىمدى قۇرايدى. تۇنگى ۋاقىتتا دا شاڭعى تەبۋ قاراستىرىلعان. شاڭعى تەبۋشىلەر تاۋدىڭ باسىنا ارنايى ارقان-كرەسلو جولدارى جانە ۇلكەندەر مەن بالالارعا ارنالعان ءتۇرلى كوتەرگىش قۇرىلعىلارمەن كوتەرىلە الادى
پىكىر قالدىرۋ