الماتى قالاسى اكىمدىگىنىڭ تىلدەردى دامىتۋ، مۇراعاتتار جانە قۇجاتتاما  باسقارماسى «مەملەكەتتىك ءتىل جانە بۇقارالىق اقپارات قۇرالدارى» اتتى قالالىق بايقاۋ جاريالايدى.

بايقاۋدىڭ ماقساتى: مەملەكەتتىك ءتىل ساياساتىنىڭ قازاق جانە ورىس ءتىلدى بۇقارالىق اقپارات قۇرالدارىندا كەڭىنەن ناسيحاتتالۋىن قولداۋ. بايقاۋدىڭ مىندەتى: مەملەكەتتىك ءتىل ساياساتىن ناسيحاتتاپ جۇرگەن جەكەلەگەن اۆتورلاردىڭ جۇمىسىنا وڭ باعا بەرۋ جانە ولاردى كوتەرمەلەۋ. بايقاۋدىڭ شارتتارى: بايقاۋعا ءتىل ساياساتى، مەملەكەتتىك ءتىل  احۋالى تۋرالى وتكىر دە وزەكتى ماتەريالدار جاريالاعان جەكەلەگەن جۋرناليستەر تومەندەگىدەي نوميناسيالار بويىنشا قاتىسا الادى:

- «باسپاسوزدەگى ءۇزدىك جۋرناليست» – باسپا ءسوز ماتەريالدارى    

    بويىنشا؛

- «ينتەرنەت-سايتتاعى ۇزدىك جۋرناليست» – سايت ماتەريالدارى        بويىنشا؛ - «ۇزدىك تەلەجۋرناليست» – تەلەباعدارلامالارى بويىنشا؛ - «ءۇزدىك راديوجۋرناليست» – راديوباعدارلامالارى بويىنشا. بايقاۋ 2012 جىلعى 1 شىلدەدەن  بەرى قازاق جانە ورىس تىلدەرىندە جاريالانعان گازەت-جۋرنال جانە سايت ماتەريالدارىن، ەفيردەن بەرىلگەن تەلە-راديو حابارلاردى قامتيدى. بايقاۋعا قاتىسۋ. جەكە اۆتورلار بايقاۋعا قاتىسۋ تۋرالى الماتى قالاسىنىڭ تىلدەردى دامىتۋ، مۇراعاتتار جانە قۇجاتتاما باسقارماسىنا ءوتىنىش بەرەدى. بايقاۋعا قاتىساتىن ماتەريالدارىن جاريالانعان تۇرىندە (گازەت، جۋرنال، سايت بەتتەرى، بەينە جانە اۋديوجازبالار) وتكىزەدى. بايقاۋدىڭ جۇلدەسى. بايقاۋ باسپا ءسوز كۇنىنىڭ قارساڭىندا قورىتىندىلانادى. جۇلدەلى ءبىرىنشى، ەكىنشى جانە ءۇشىنشى ورىنداردى يەلەنگەندەرگە ءتيىستى دارەجەدەگى ديپلومدار مەن اقشالاي نەمەسە باعالى سىيلىقتار تاپسىرىلادى. قاتىسۋشىلارعا العىس حاتتار مەن ەستەلىك سىيلىقتار بەرىلەدى. مەكەنجايى: الماتى قالاسى، رەسپۋبليكا الاڭى، 15، 556-بولمە. تەلەفون: 2672228؛ ە-mail: nurkyz999@mail.ru. قىمبات نۇرسۇلتان قىزى.