قاراعاندى وبلىسىنداعى ساتبايەۆ قالاسىندا بولعان جاپپاي توبەلەستەن 16 جاستاعى ءجاسوسپىرىم قازا تاپتى.
"ساتبايەۆ قالاسىندا توبەلەستىڭ سالدارىنان 16 جاستاعى ازاماتتىڭ قايتىس بولۋ دەرەگى بويىنشا سوتقا دەيىنگى تەرگەۋ-تەكسەرۋ امالدارى جۇرگىزىلىپ جاتىر"، - دەلىنگەن حابارلامادا. ءتارتىپ ساقشىلارىنىڭ ايتۋىنشا، قازا بولعان ەر ادامنىڭ دەنەسىندە پىشاق ىزدەرى تابىلدى.
ساتبايەۆ قالالىق ىشكى ىستەر ءبولىمى كريمينالدىق پوليسيا بولىمشەسىنىڭ قىزمەتكەرلەرى جەدەل ىزدەستىرۋ ءىس-شارالارى بارىسىندا جابىرلەنۋشىگە سوزگە كەلىسپەۋشىلىك بارىسىندا پىشاقپەن دەنە جاراقاتتارىن كەلتىرگەن 15 جاستاعى ءجاسوسپىرىمدى ۇستادى. "قازىرگى ۋاقىتتا ۇستالعان ازامات ۋاقىتشا ۇستاۋ يزولياتورىنا قامالدى. تەرگەۋ امالدارى جۇرگىزىلىپ جاتىر"، - دەدى پوليسەيلەر.
