"شالدان" شىققان شاتاق نەمەسە "كەڭكەلەستەر" كەڭەسىندەگى ويتۇجىرىم...

كسرو (سسسر) زامانىندا باتپانداپ كىرگەن يدەالوگيا، مىسقالداپ شىعا الماي جاتقانى، كوپتەگەن قانداستارىمىزدى ويلاندىراتىنى شىندىق... ونىڭ سەبەپتەرى مەن سالدارى دا كوپ شىعار، بالكىم؟! رەسەيدىڭ قازىرگى جاعدايى - ون ءتورت بالاسىنىڭ بىردە - بىرەۋى قاراماي "قارتتار ۇيىنە" اپارىپ تاستاعان شالدىڭ جاعدايمەن سالىستىرۋعا بولادى... بىرەۋى - نانىڭ اكەپ بەرسە، بىرەۋى - مالىن اكەپ بەرەتىن، بىرەۋى - باسى اۋىرعاندا اراق - شاراپ اكەلىپ بەرەتىن "ۇلدارىنان" ايرىلعان شالدىڭ كەيپىن كوز الدىڭىزعا ەلەستەتەدى... سول "شال" ءالى دە جاستىق شاعىن، وتكەن كۇنىن اڭساۋى تابيعي زاڭدىلىق. كەيبىر ۇلدارىنا قامشى ءۇيىرىپ، وسپادىرىق قىلىعىن دا كورسەتىپ قويادى. ءبىراق، جەكە وتاۋ تىگىپ العان "ۇلدارى" ونىڭ ەسكىرىپ قالعان ساياساتىنا كونگىسى كەلمەيدى...(ۋكراينا، مولدوۆا، گرۋزيا، بالتىق جاعالاۋىنداعى رەسپۋبليكالار ت.س.س) بىرنەشە عاسىر يمپەريا بولعان رەسەيدىڭ امبيسياسى الەمدىك سانكسياعا الىپ كەلدى. دەگەنمەن، كورشىنىڭ قوتىرىن قاسي بەرگەنىمىزدەن ەشتەڭە ۇتپايمىز جانە ونىڭ سالدارى دا اۋىر بولۋى مۇمكىن... اتام قازاق: - ءۇي ساتىپ الما، كورشى ساتىپ ال، - دەگەن ءسوز بەكەر بولماسا كەرەك!!! ك.ماركستىڭ (ليەۆي موردوحەي) الەۋمەتتىك ەكسپەريمەنتى كسرو - دەگەن لابوراتوريادا جەتپىس جىل سىناقتان ءوتىپ، ومىرشەڭ ەمەس ەكەندىگىن دالەلدەپ بەردى. سول "پوليگوننىڭ" زاردابى ءتانىمىزدى دە، جانىمىزدى دا ۋلاپ، رۋحاني دەگراداسياعا ۇشىراتقان دا شىعار... P.S. كورشىنىڭ ۇيىنەن ءورت شىقسا، سونىڭ ۇشقىنى ءبىزدىڭ ۇيگە دە زيانىن تيگىزۋى مۇمكىن عوي دەگەن ىزگى ويدان تۋىنداعان وي عانا...

سوۆەتقازى نۇرسيلا، facebook