«ەلباسى ن.ءا.نازاربايەۆتىڭ جۋىردا عانا حالىققا جولداعان «ۇلت جوسپارى – 100 قادام» ۇندەۋى م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا دا تالقىلاندى»-دەپ حابارلايدى تەاتردىڭ «باسپا ءسوز قىزمەتى». الدىمەن، تەاتر ديرەكتورى، ق ر ەڭبەك سىڭىرگەن قايراتكەرى ەرلان ءابدىلدا ۇلى ءبىلالوۆ ونەر ۇجىمىنىڭ تەحنيكالىق قۇرامىنا پرەزيدەنت ۇندەۋىن تانىستىرسا، شىعارماشىلىق قۇراممەن قىزۋ تالقىلادى. تەاتردىڭ تۇعىرى بيىك، ابىرويى اسقاق ارتيستەرى ءسابيت ورازبايەۆ، تورعىن تاسىبەكوۆا، ەسمۇحان وبايەۆ، بايان يماشيەۆالار ءوز ويلارىن ورتاعا سالسا، جاستار جاعى ەل بولاشاعى ءۇشىن ماڭىزدى بولعان «100 ناقتى قادامدى» قولدايتىندارىن ءبىلدىردى.

- پرەزيدەنتتىڭ جوسپارى  «100 ناقتى  قادام» دەپ اتالادى. بۇل جوسپار – «جاھاندىق جانە ىشكى سىن – قاتەرلەرگە جاۋاپ بەرەتىن، جاڭا تاريحي جاعدايلاردا قازاقستاننىڭ الدىڭعى قاتارلى دامىعان الەمنىڭ وتىز مەملەكەتتەرىنىڭ قاتارىنا كىرۋى جونىندەگى جوسپارى» ەكەندىگى اتاپ كورسەتىلگەن. بۇل جوسپاردا «كاسىبي مەملەكەتتىك اپپارات قۇرۋ»، «زاڭنىڭ ۇستەمدىگىن قامتاماسىز ەتۋ»، «يندۋستريالاندىرۋ جانە ەكونوميكالىق ءوسىم»، «ەسەپ بەرەتىن مەملەكەتتى قالىپتاستىرۋ»  دەگەن سىندى بىرنەشە بولىمدەردەن تۇراتىن رەسمي قۇجاتتىڭ ءون بويىندا مەملەكەت دامۋىنىڭ الداعى ۋاقىتتاعى 100 قادامى ايقىندالعان. جوسپاردىڭ ءبىرىنشى بولىمىندە كاسىبي مەملەكەتتىك اپپارات قۇرۋ ماسەلەسى قاراستىرىلعان.  ءبىزدىڭ م.اۋەزوۆ تەاترىدا مەملەكەتتىڭ اكادەميالىق تەاترى  بولعاندىقتان ءبىزدىڭ بارلىق قىزمەتكەرلەر دە مەملەكەتتىك قىزمەت ساناتىنا كىرەمىز. سوندىقتان، بۇل جوسپاردىڭ سىزدەر ءۇشىن دە ماڭىزى جوعارى دەپ ەسەپتەيمىن،-دەي كەلە، ە.ءبىلالوۆ رەسمي قۇجاتتىڭ باستى باعىتتارىن، ەلباسىنىڭ نەگىزگى ۇستانىمىن باياندادى.