كەشە ءماجىلىس دەپۋتاتى، "اق جول" پارتياسى ليدەرى ازات پەرۋاشيەۆ ق ر ءبىلىم جانە عىلىم ءمينيسترىن سىنعا الىپ، قايتا-قايتا زاڭدى اۋىستىرا بەرگەننەن، شەنەۋنىكتى اۋىستىرعان الدە قايدا ءتيىمدى ەكەنىن ايتتى. بۇل تۋرالى "قامشى" پورتالى Zakon.kz-كە سىلتەمە جاساي وتىرىپ حابارلايدى.

پارلامەنت دەپۋتاتتارىنىڭ الدىندا بۇل جولى ءبىلىم جانە عىلىم ءمينيسترى ەسەپ بەردى. اتقارعان شارۋالارىن ايتتى. بعم شاماسى جەتپەگەن شارۋالارعا دەپۋتاتتاردىڭ ارالاسۋىن سۇرادى.

ءبىرىنشى: اسلان ءسارىنجىپوۆ مىرزا قازاقستان رەسپۋبليكاسى بعم ىشىندەگى جەمقورلىق ماسەلەسىن اشىق مويىناعان العاشقى مينيستر بولىپ تاريحتا قالاتىن بولدى. ول ءوزى باسقارىپ وتىرعان مينيسترلىكتى جەمقورلىق جايلاي باستاعىنىن مويىندادى.

ەكىنشى: قازاقستانداعى جەكەمەنشىكتەگى جوو جابۋ تۋرالى باستاما كوتەردى. ويتكەنى اتالمىش مەكەمەلەر (جوو) ديپلوم ساتۋ ورنىنا اينالا باستاعانى جاسىرىن ەمەس ەدى.

ءۇشىنشى: وقۋ جىلى اياعىندا مەكتەپ ءبىتىرۋشى تۇلەكتەردىڭ اراسىنداعى سۋيسيد ماسەلەسىنىڭ ءورشي تۇسەتىنى تاعى بار. اسلان مىزرانىڭ ايتۋىنشا، مەكتەپ بىتىرۋشىلەر مەن مەكتەپ جاسىنداعى جاسوسپىرىمدەر اراسىنداعى سۋيسيد كورسەتكىشى 35 پايىزعا تومەندەگەن. دەسە دە بىلتىرعى جىلى 190 وقۋشىنىڭ وزىنە ءوزى قول جۇمساۋ فاكتىسى تىركەلگەن.

- مەنىڭ ويىمشا، 190 - بۇل تىم كوپ. ءتىپتى 1 بالنىڭ ءولىمى ءبىز ءۇشىن ورنى تولماس قاسىرەت. ءبىز ءبارىمىز، مەكتەپ، اتا-انالار، قۇقىق قورعاۋ ورگاندارى، پسيحولوتار بىرلەسىپ جۇمىس ىستەۋىمىز كەرەك. بالاعا مەكتەپتەگى فاكتورلار اسەر ەتۋى مۇمكىن. الايدا، وقۋشى كۇنىنىڭ جارتىسىن عانا مەكتەپتە وتكىزەدى. قالعان ۋاقىتتا بالا دەنساۋلىعىنا - اتا-انا جاۋاپتى،-دەيدى

ءتورتىنشى: مينيستر مىرزا مەن دەپۋتاتتىڭ اراسىندا تۇسىنىسپەۋشىلىك تۋعىزعان ماسەلە - قاراستىرۋعا ۇسىنىلعان، الايدا قاراستىرىلماعان جاڭا زاڭ جوباسىندا. بۇل "ق ر بعم ماسەلەلەرىنە قاتىستى ءبىرقاتار زاڭنامالىق اكتىلەرگە قوسىمشالار جانە تۇزەتۋلەر ەنگىزۋ تۋرالى" ەدى. قاراپايىم تىلمەن ايتقاندا، بيىلعى جىلدان باستاپ ەلىمىزدەگى بارلىق جوو-ىن اتتەستاسيادان وتكىزۋدىڭ ورنىنا بارلىعىن بىردەي تاۋەلسىز اكرەديتاسيادان وتكىزۋ كەرەك بولاتىن. بعم باسشىسىنا بۇلايشا جارلىق بەرگەن - ەلباسى ەدى. الايدا ەلباسى شەگەلەپ بەرگەن تاپسىرمانى شەنەۋنىك ورىنداماعان. بۇل ءوز كەزەگىندە "اق جول" پارتياسى جەتەكشىسىنىڭ اشۋىن تۋعىزعان.

ازات پەرۋاشيەۆ، ءماجىلىس دەپۋتاتى:

- نە بولدى؟ پرەزيدەنت تاپسىرماسىنا سايكەس، بيىل بارلىق جوو-دارىن تولىق اتتەستاسيالاۋدان باس تارتىپ، ورنىنا تولىق اكرەديتاسيالاۋعا كوشۋىمىز كەرەك ەدى. ءبىلىم ءمينيسترى بۇل تاپسىرمانى ورىنداي المادى. ەندى كەلىپ، بىزگە نە ءۇشىن ورىنداي الماعانىن ايتىپ اقتالۋدا. ونىڭ (اسلان ءسارىنجىپوۆ - ت.ا.) ايتۋىنشا، جوو-ى بۇل جۇيەگە تولىق دايىن ەمەس. دايىن بولماي شىقسا، ولاردىڭ (جوو) كەمشىلىگى. مينيستر مىرزا ماسەلەدەگى كەمشىلىكتەردى شەشۋدىڭ ورنىنا بىزگە كەلىپ، زاڭدى اۋىستىرۋدى ۇسىنىپ وتىر. بۇنى قالاۋ تۇسىنۋگە بولادى؟ پرەزيدەنتتىڭ ناقتى تاپسىرماسى بار. ال تاپسىرما ورىندالماعان. بىزگە كەلگەن مينيستر مىرزا، "ەندى جاعداي سولاي بولىپ قالدى، زاڭ جوباسىن اۋىستىرا سالايىق"، دەيدى. جوق. كەي كەزدە قايتا-قايتا زاڭدى اۋىستىرا بەرگەننەن گورى، تۇك بىتىرە المايتىن ءمينيستردى اۋىستىرا سالعان تيىمدىلەۋ. وسىعان وراي مەنىڭ ءمينيسترى مىرزا سۇراعىم بار ەدى. ءسىز پرەزيدەنتتىڭ اكرەديتاسيالاۋعا كوشۋ تۋرالى تاپسىرماسىن اياقسىز قالدىردىڭىز. بىزگە كەلىپ، زاڭدى اۋىستىرايىق دەگەنشە، نەگە ءوز ەركىڭىزبەن وتستاۆكاعا كەتپەيسىز؟

"اق جول" فراكسياسى ليدەرى بۇل جولى تىم اشۋلى، قاباعى قاتۋلى بولدى. ول جۋرناليستەرگە بەرگەن سۇحباتىندا پارلامەنتتەگى "اق جول" فراكسياسى بۇل زاڭ جوباسىن ماقۇلدامايتىن اشىق جەتكىزدى.

اسلان ءسارىنجىپوۆ، ق ر ءبىلىم جانە عىلىم ءمينيسترى:

- ءار باعدارلاما ءۇشىن جوو-ى 5 ميلليون تەڭگە تولەيدى. ءقازىر اقشا تولەگەن جەكە مەنشىك جوو بارلىعى اكرەيتاسيادان ءوتتى. بۇل دۇرىس جول ەمەس. اقشا تولەگەنمەن كەم-كەتىكتەر تۇزەتىلمەيدى. سوندىقتان ءبىز اكرەديتاسيالاۋ ءىسىن كەيىنگە شەگەرىپ وتىرمىز. سونداي-اق، ءمىنى كوپ مينيسترلىكتىڭ تىزگىنشىسى اسلان مىرزا، ءوزىنىڭ وتستاۆكاعا كەتۋ، كەتپەۋىن شەشەتىن پرەزيدەنت ەكەنىن ايتتى. ال ازات پەرۋاشيەۆتىڭ مالىمدەمەسىنە كەلەر بولساق، ولار ۇساق (جەكە مەنشىكتىك) جوو-ىڭ مۇددەسى ءۇشىن قىزمەت ەتۋشى، ءبىلىمدى بيزنەسپەن شاتاستىرعان لوببيلەرگە اينالعان. ەلباسى تاپسىرماسىنا سايكەس، ءبىز مۇندايلارمەن كۇرەسۋدەمىز. ارينە، ولار قارسىلىق تانىتادى، سىناعان بولىپ كورىنەدى. ءبىراق، ءبىز العان باعىتىمىزدان قايتپايمىز. ءمينيستردىڭ مالىمدەمەسىنە قاتىستى "اق جول" جەتەكشىسىنىڭ جاۋابى دا كوپ كۇتتىرمەدى. ازام پەرۋاشيەۆ، اسلان ءسارىنجىپوۆتى، وزىنە جالا جاپقانى ءۇشىن سوتقا بەرەتىنىن ايتتى. دەگەنمەن ول ءوزىنىڭ جەكە بيزنەسمەندەردىڭ مۇددەسىن قورعايتىنىن جاسىرمادى. ءتىپتى، بۇل ەلباسىنىڭ ساياساتى دەپ تە اقتالدى.

نۇرگەلدى ءابدىعاني ۇلى