«قامشى» اقپاراتتىق پورتالى مەن Ugai پروديۋسسەرلىك ورتالىعى ۇسىنادى

بايقاۋدىڭ ماقساتى:

تۇنىعى لايلانعان بۇگىنگى قازاق اۋەنىنە تىڭ سەرپىن بەرۋ. شىن تالانتتاردى سۇرىپتاپ، قازاق رۋحانياتىنىڭ تورىنە شىعارۋ.

قاتىسۋ شارتتارى:

1. قازاق ءانىن شىرقايتىن كەز كەلگەن ادام قاتىسا الادى(ۇلتىنا، مەملەكەتىنە، ناسىلىنە، جاسىنا، جىنىسىنا شەكتەۋ قويىلمايدى).
2. قاتىسۋشى بايقاۋعا ۇسىناتىن ءانىن جاندى داۋىستا ورىنداپ، ۆيدەونۇسقادا «قامشى» پورتالىنىڭ ەل.پوشتا، ۆاساپ، ۆيچات، فەيسبۋك.... پاراقشالارىنا جولدايدى(ۆيدەو ساپاسىنا تالاپ قويىلمايدى. ورىنداۋشىنىڭ بەينەسى مەن داۋىسى انىق ەستىلۋى قاتىسۋشىنىڭ وزىنە ءتيىمدى).
3. بايقاۋعا قاتىسۋشى سۋرەتى مەن ءوزى تۋرالى شاعىن مالىمەتتى قوسا جىبەرۋى ءتيىس(ەل.پوشتا، تەلەفون...).
4. قاتىسۋشى بايقاۋعا ۇسىناتىن ءانىن ورىنداۋدىڭ الدىندا مىنا سوزدەردى ايتۋى مىندەتتى: «قامشى» پورتالى ۇسىنعان ارنايى «قازاق داۋىسى» جوباسى ءۇشىن مەن(ءبىز)   ءاتى-جونى ءاننىڭ اتى(مالىمەت) – ىن ورىندايمىن(-ىز). قابىل الىڭىزدار. ەگەر سىزدەرگە ۇناپ جاتسا، وسى ۆيدەوعا داۋىس بەرىپ، پىكىر قالدىرۋلارىڭىزدى سۇرايمىن.

ىرىكتەۋ:

1. جۇلدەگەرلەر تىڭدارماننان جيناعان داۋىس سانى مەن ارنايى ءادىل-قازىلار ارقىلى انىقتالادى. (تىڭدارمان داۋىسى – 50 پايىز، ءادىل-قازىلار(5 ادام) – 50 پايىز).
2. Youtube بەتى كورىنبەيتىن مەملەكەتتەر ءۇشىن ءاننىڭ mp3 نۇسقاسى قوسا جۇكتەلەدى.
3. بايقاۋ 6-ايعا جالعاسادى.

ءى تۋر. بايقاۋعا قاتىسۋشىلار ۇسىنعان ۆيدەو(ءوزى قالاعان ءانىن ورىندايدى) 25 ماۋسىمنان باستاپ جاريالانىپ، 25 شىلدەدە اياقتالادى. ءىى تۋرعا وتۋشىلەر قورتىندىسى 1 تامىزدا جاريالانادى.

ءىى تۋر. ءىى تۋرعا وتكەندەر مىندەتتى تۇردە قازاقتىڭ حالىق ءانى مەن حالىق كومپوزيتورلارىنىڭ شىعارماسىن(ءبىرجان سال، اقان سەرى...) ورىنداپ، ۆيدەونۇسقاسىن قايتا جىبەرۋى ءتيىس. ول 5 تامىزدان 25 تامىز ارالىعىندا جاريالانادى. ءىىى تۋرعا وتۋشىلەر قورتىندىسى 1 قىركۇيەكتە بەلگىلى بولادى.

ءىىى تۋر. ءىىى تۋرعا وتۋشىلەر ءادىل-قازىلار ۇسىنعان ونەر تۋىندىسىن ورىنداۋى شارت. 5 ادامنان قۇرالعان ءادىل-قازىلار القاسى وزدەرى داۋىس بەرگەن قاتىسۋشىلارعا ءان ۇسىنادى. ۆيدەو 5 قىركۇيەكتەن 25 قىركۇيەك ارالىعىندا قابىلدانادى. سوڭعى تۋرعا وتۋشىلەر قورتىندىسى 1 قازاندا بەلگىلى بولادى.

قورتىندى. جەڭىمپاز بولعان 11 قاتىسۋشى 5 قازاننان 25 قازانعا دەيىن ءوزىنىڭ ەڭ سۇيىكتى ءانىن جانە ءادىل-قازىلار ۇسىنعان ءبىر ءاندى(بارلىعى ءبىر ءاندى شىرقايدى) جولدايدى. قورتىندى 1 قاراشادا جاريالانادى.

باس جۇلدە - ميلليون تەڭگە جانە باعالى سىيلىقتار.

العاشقى 10 جەڭىمپاز – اقشالاي جانە باعالى سىيلىقتار. سونداي-اق، قازاقستان ەسترادا جۇلدىزدارىنىڭ قاتىسۋىمەن

الماتىدا وتەتىن گالا-كونسەرتتە ونەر كورسەتۋ مۇمكىندىگى.

باستالۋ مەرزىمى: ۆيدەو قابىلداۋ بۇگىننەن باستالىپ، 25 شىلدەدە اياقتالادى. ال سايتقا جاريالاۋ 2015 جىل 25 ماۋسىمنان باستالادى. ياعني «قازاق داۋىسى» جوباسىنا قاتىسۋشىلاردىڭ ۇسىنىمدارى بۇگىننەن باستاپ 25 شىلدەگە دەيىن جالعاسادى. ودان ءارى جاڭا ۆيدەو قابىلدانبايدى. ۆيدەونى ەرتەرەك ۇسىنۋ – قاتىسۋشىنىڭ داۋىس جيناۋىنا وڭ اسەر ەتەدى.

قازىلار القاسى:

رامازان ستامعازييەۆ

ەركىن شۇكىمان

التىناي جورابايەۆا

ءمولدىر اۋەلبەكوۆا

ۇشقىن جامالبەك (الاش ۇلى)

اقپاراتتىق سەرىكتەستەر:

31 تەلەارنا، abai.kz، alashainasy.kz، xalhar.net، senkazakh.com، "جۇلدىزدار وتباسى" جۋرنالى(كۇن سايىن تولىعىپ وتىرادى)...

(بايقاۋدىڭ دەڭگەيىن كوتەرەتىن ۇسىنىستار بولىپ جاتسا، بايقاۋ شارتتارىنا ءىشىنارا وزگەرىستەر قوسىلۋى مۇمكىن.)

E-mail: qamshy@gmail.com، qazaqdauysy@163.com

ۆاساپ: 8-777-843-11-95

ۆيچات: qazaqdauysy

QQ: 948705083

VK: http://vk.com/qamshy2

Instagram: qazaqdauysy

Facebook: http://www.facebook.com/qamshy

تەل: 8-727-273-33-14